كوبليه ما هي كلمات اغنية سهيل حامد الضبعان ...؟
تاريخ طرح اغنية حامد الضبعان الجديده سهيل
٢٨ أغسطس ٢٠٢٤
كلمات اغنية سهيل حامد الضبعان 2024
سهيل نجمه طلع يااللي تحرونه
والقيض باقي ليالي من تواليه
قطانة العد هالايام يخلونه
يوم البداوه حلو ذكره وطاريه
يالله بنوٍ ينوض البرق بمزونه
من مقدم الوسم ينشي من نواشية
يسوقه اللي ننام وتسهر عيونه
اللي كفل رزقنا والاجل بيديه
سيلٍ حقوقٍ هل النشرة يعدونه
على عموم المناطق بالسعوديه
ياعل ربي يعين البدو من عونه
تزين لأهل الدبش وأهل الغنوميه
عقب العلف والشعير اللي يكبونه
ترعى بأفامه وتشبع في مفاليه
يازين ياقامو المرحال يطرونه
وكلٍ على موتره حمل مقاضيه
رادو وشافو مهو قولٍ يقولونه
شمال حد الحيا عرق الخليفيه
والعائدي شغلوه وهز غليونه
أربع وعشرين مهو حجم حصنيه
حرك ورا الذود والخانات مشحونه
مع الوعر والسهل يمشي مماشيه
نهارهم من طلوع الشمس يمشونه
يمسون على ظهر والصبح طرقيه
يبون قاعٍ هل النوق يتمنونه
فروع الأفيح وفيحان ونواحيه
ربيع والقشع ساق الوسم بغصونه
والطين ماجف وإلغدران ممليه
متساويٍ نبت الأرض وزاهيٍ لونه
الحزم والروض والفيضه وواديه
والفقع في منبت الرقروق يلقونه
حلو الكما والغلاسي والزبيديه
بس أم سالم تجر الصوت بلحونه
تصعد وتنزل تردد كل غنيه
بس أم سالم تجر الصوت بلحونه
تصعد وتنزل تردد كل غنيه
اغنية سهيل حامد الضبعان 2024 بالكلمات مكتوبة كاملة من كلمات عبدالله مخلف الحسيني والحان فلكلور مطور وتوزيع محمد المرزوق تم طرح اغنية حامد الضبعان الجديدة على القناة الرسمية على اليوتيوب بتاريخ ٢٨ أغسطس ٢٠٢٤ كوبليه كلمات اغنية
- كلمات : عبدالله مخلف الحسيني
- الحان : فلكلور مطور
- توزيع : محمد المرزوق
