كلمات اغنية تتنفسك دنياي حامد سهيل 2023

مو بس أحبك أنا تتنَفسك دنياي

وإتخَيّل إني وصلت المرحلة في الروح

خجلان من طيفك اللي متعبه ويّاي

من زود ما إنت على بالي تجي وتروح

الله لو تدري قلبي وش كثِـر مملاي

شوق لعيناك وْشوق لوجهِك المملوح

وش قد أرتّب كلامي لك قبل ملقاي

وش قد يضيع الكلام في شوفتك والبوح

غلاك عوقي وهو نفسه لِعوقي دواي

كان بعدِك اليَم وْوَصلِك هو سفينة نوح

ما تبتهِج نفسي إلا وإنت في يمناي

وما يلوي ذراعي إلا ضيـقتك والنوح

وجودك بعمري شي مثل الهوا والماي

وغيابك أبسط تعاريفه شقا وجروح

ردّيت روحي برجوعك يا بعدي ومناي

ويا الضحكة اللي أصير إلها فِدا وأروح

لِك يا هنوف الخِصال مْحبّة في دماي

‏تملا بلاد الضباب اللي بشذاك إتفوح

كنت الحبيب وغديت اليوم كل دنياي

من توأم الروح إلين أمسيت إنت الروح

غلاك عوقي وهو نفسه لِعوقي دواي

كان بعدِك اليَم وْوَصلِك هو سفينة نوح

ما تبتهِج نفسي إلا وإنت في يمناي

وما يلوي ذراعي إلا ضيقتك والنوح