كلمات اغنية طالت المده حشان ال منجم 2022

كل ما قلت ارجهنيت وارتاج الضمير

زيد مرت به ظروف تخرب مستواه

عز والي بارق ناض من فوق الغدير

شاق عيني زين برقه وسفر لي سناه

في سنعه اتوق ويقودني سلك الحرير

والهوى الغربي إلا هب ينعشني هواه

فز قلبي فزة العود للورع الصغير

مقفي باقي شبابه وزيد الله عطاه

تنتحي بي الأرض وتميل رجلي بالمسير

لين عيني تمتلي منه وإلا اسمع حكاه

من بدا في عالي الرجم من حزة اعصير

والله إن يبكي ولو كان قلبه من حصاه

طالت المدة ولا يندري ويش بيصير

عزتي لي كان ذي حالتي في هالحياه

ودي اجي البيت لاشك هذي ما تصير

أستحي منه ولا لي على بيته جراه

أشهد أني برخص المال وأعطيه البشير

من كسبني بمعروف على ربي جزاه

اجتماع الشمل ما هو على الله بعسير

عقب هرج طال واتعبت نفسي في رجاه