كلمات اغنية عتب لحباب حشان ال منجم 2021

راكب مغيم الجامات واللون نيلي

فيه رزّة ، وقوّ محركات وفخامه

منوتي جمس شكمانين ، خطّه طويلي

سايقه فيه ، حزن ، وفيه شوق وكرامه

لا ضرب تختخٍ ممطور في جنح ليلي

كنّ في حس ويله مثل حرب الرغامه

شف بالي عروق المندفن يا عميلي

بينها نجع قوم وونسةٍ وانسجامه

والا يقطع زباير صلب يام الهذيلي

حاذفٍ ديرته يبغى يغير نظامه

من فقد ضمٍة اللي ينسعون الجديلي

عاش في صدمةٍ تشبه ليوم القيامه

المفارق عذاب ، كل ماقال ويلي

ضعت فوق السحاب وضعت تحت اللثامه

عفت مربا الجدود وعفت هجني وخيلي

وكل من سلم من الناس ماقبل سلامه

فالوداع ، وعتب لاحباب ، ياقلّ حيلي

اسأل الله من طاري الفراق السلامه