كلمات اغنية ليتني ارتاح حمد الراشد 2018

ما يدّفي نار شوق المشتحن كثر الكلامي

كود ضمة من يحبه من عقب قسوة ظروفه

ودي ادري ليه خلي باخل ب رد السلامي

يوم انا قلبي عشانه ناقشٍ وسطه حروفه

لا لفاني من عقب ما غاب وابطى بالتمامي

مرحبا عقب البطا واكبر خطاياه محذوفه

مرحبا واقلط على عوج الضماير يا غرامي

واسترح في وسط قلبي بس طلبه لا تطوفه

انت حبك يا حبيبي يشبه ل نبت الوسامي

نابتٍ بين الضلوع ونابتٍ في وسط جوفه

وانت بردن فدوته لا من دخل وسط العظامي

وانت جنة كل عاشق يا هواه ويا شفوفه

وانت بيرنٍ من شرب منها يسج من المضامي

وانت حاكم في ضميري وسو ما ودك تشوفه

وانت نعمه من جحدها عاف لذات المنامي

وانت نجمٍ وسط كوكب ماحدٍ يقدر يحوفه

وانت عيني وانت كبدي وانت قلبي يا مرامي

وانت شفي وانت ذوقي وانت كل اللي اشوفه

وانت بيتٍ من حلاته رتبه ابن الزلامي

‏صاحبك وده بجيه وانت تدري وش ظروفه

الليالي يا حبيبي تجرح صدور الكرامي

والصدر ما سلم منها دايم تاتي تلوفه

ليتني ارتاح من جور الزمن قبل الختامي

وليت قلبي مثل عقلي ما يفكّر فالحسوفه

في غيابه جزت من شوف البنات ام اللثامي

لان لا من رحت ولا جيت ترسم لي طيوفه

وسط شارع وسط حاره او على متن الغمامي

هذي هي صورة عيونه تنرسم في كل طوفه

شيب عيوني يوم شفته وابتدا عض البهامي

وطر جيبي يوم صد وثم كسى شعره كتوفه

اهه يا حي الغرام اللي عشانه ما انامي

كن غرامه كل ليلٍ دايم اصارع سيوفه

واخخ يا درب المحبه واحح يا درب الظلامي

ودي ان دروب ذا العشاق ماهي ب معروفه

والسيوف اللي كلتني من عقب شهر الصيامي

من غلا راعيّها حالف وناذر ما اعوفه

ولو نويت ابيع حبه والله انه ما يسامي

ما يساوي خزنة التاجر ولو زادت الوفه

والشجاع اللي يجرّي كل هايب للامامي

لا دخل درب المحبه والله ان يزداد خوفه