كلمات اغنية رافقته السلامه حمد العامري 2024

انثروني جروح وبعثروني ندامه

وزودوا نار قلبي و عشموني بهواهم

قلبي اللى يبيهم ارخصوا في غرامه

رغم هذا وربي ما رخص في غلاهم

من جروحي بسامح بس الا الكرامه

لو اقضّي سنيني قربهم او بلاهم

يا دموع المفارق صرتي ع الخد شامه

كفي يا عين دمع ٍ ياما قلنا فداهم

لا تضايق يا قلبي و عاتبه ببتسامه

كنت بالحب صادق بس ما الله هداهم

ما بقى شي فيني يستحق اهتمامه

غير ذكرى جميله اجمعتنا وياهم

يا خسارة مشاعر قلب زاد بهيامه

حبهم كن مابه بالبشر حد سواهم

من هو باعك يا قلبي رافقته السلامه

لا تبرر و تسمح بالمحبه خطاهم

دامهم فارقوني ما عليهم ملامه

مثل ماهم نسوني حتى قلبي نساهم