كلمات اغنية لندن و باريس حمد العامري 2025

كل هالناس بعيوني ما تعوضني بغيابك

ياللي من ابعدت عني والله انه ضاق صدري

غصب عني ياللي قلبي إبتدابك و إنتهابك

و غصب عنك و آنا ادرى وانته بهالشي تدري

ياللي كل ما مر طيفك قلت يالغالي هلابك

بين باريس ٍ ولندن كل ما سجيت تطري

القدر ياللي خذاك و ليته الا بس جابك

انت بعدك عني اصعب لحظة ٍ مرت بعمري

انت لي من يوم شفتك يا زهر بأول شبابك

مقبل بطلّت جبينك كانّك الا ضي بدري

لون خدّك كحل عينك مبسمك كفّك خضابك

يوم فليت الجدايل ع المتن واللون خمري

وقّفت كل الدقايق والثواني عند بابك

و ابتدت اجمل ليالي عشتها من يوم صغري

حبك اتمكن ع قلبي بالغلا لين انتشا بك

امتربع بين ضلعين الحشا و بالدم يجري

ما عصاني قلبي الاّ من عرف حضرت جنابك

مانته لي لكن قلبي ايتسائل ويش عذري

قلتله ماهو نصيبي قال ماقنعني جوابك

قلتله ماهو بكيفي دام هو ما اختار دربي