كلمات اغنية يا هند حمد العامري 2025

يا هند ما يشبه جمالج سوى دبي

متصدره الأول على الكون كله

دبي دار الحي وانتي لها ضي

يا شمسها وبدورها والأهلّه

حبّج غدا مثل المطر غيثٍ وريِّ

كل من فقد شوفج عليج إيتولّه

انتي السعادة والفرح وانتي الغي

ويهج تباشير الفرح تبتسم له

يا ماخذه سهم التَّميز في كل شي

والحسن خذتي كل دقّه وجلّه

واحة عطا من فيضها ريٍ وفي

يا كم يتيمِ عطف قلبج وصل له

يا كبر قلبج لي على الناس ياوِيْ

ينبض وكل دبي تنبض بظلّه

انتي مثل ما قال بج حاكم دبي

انتي مثل مانتي غلا الكون كله