كلمات اغنية اخوان زبنه خالد الدهيري 2025

اخوان زبنه

بين شبة نار ونسمات الشمال

روحي به والديار مربعه

بالقلم والبوك وادي الشعر سال

سمع إلى ماسمعنا سمعه

نمدح اهل الطيب بسلوم الرجال

ماندور من وراها منفعه

يشهد البن اليماني والدلال

والصياني والبيوت موسعه

الشهادة حق باولاد الحلال

مانقول الا على بساط السعه

سقتها مابين ضلع وبين جال

عطرها بالنعم عشرة واربعه

دام جا للطيب بالمحفل مجال

اسمع إلى قلت فيهم واسمعه

قلت لي بيتين بكرام الخصال

الجمايل عندهم متربعه

يوم زان المدح بكرام العيال

طيبهم كل القبايل تسمعه

قلت والى غيرنا كثر وقال

أمدح بصوت الجمايل وارفعه

متعبً يمناه ويشد الرحال

ابو زبن كل قمة يطلعه

والختام اخوان زبنه راس مال

رفقةً على النقاء مانقطعه

فى ذرامن شد كورة بالحبال

كل ضلعً بالصعايب طوعه

أنعمي يادار طال اليل طال

شمعتك قمراء ومجدك يرفعه

السعادة غيم والبيدا زلال

واليالي كل قمراء مطلعه

ياعساها من ظلالً فى ظلال

دام عزك ياوطن خير وسعه