كلمات اغنية حفل البلاعيس خالد الدهيري 2025

حفل البلاعيس

الفكر شرع بيبانه

وجاد وكرمني بقيفانه

واثره لعين عليانه

في ليله ماهي عاديه

ليلة تكريم بوفاها

بسم البلاعيس ابدها

ترحيبه يبقي صدها

هلا هلا ياالله حيه

بجموع الحفل حيينا

وبااللي تعني هلينا

بالود ولطف ابتدينا

والليله اطيب مسيه

عليهم ماهي غريبه

بلعاسي لاشك وريبه

شوفو محفلهم ياطيبه

واجبهم قدر وحميه

حفله لعليان تخلّد

بسم البلاعيس اتقلّد

بالوفاء برواز مجلّد

في ليلة استثنائيه

ياجمعٍ تبارك جمعه

في محفل طيب السمعه

مافيها هقوه او رمعه

عليان ابن صمخ حيه

:

الشعر يكبر مقامه

ويلبس وشاحه ووسامه

وياقف تقدير وكرامه

ويضرب لعينه تحيه

:

كل المشاعر تداحم

علي عليان اتزاحم

ابو الفزعه والتراحم

من مثله بين البريه

:

لواء كم لوى المصاعب

وبدد هموم ومتاعب

ماهي سوالف ومداعب

قدحاته قوة ناريه

:

مذكورن بين القبايل

والفزعه عند ابن وايل

بلعاسي والراس الطايل

ابشر وبشر راجيه

:

للوطن روحه مرهونه

ولائه طبع ونمونه

وولاة الامر بعيونه

يبقي وايامه بقيه

:

يفز بدقة جواله

ولا تعذر بااشغاله

ويعاود عقب اتصاله

للفزعه به مرحميه

:

كم رجلن شكي من ظروفه

وفزعه بليا يشوفه

يبيه من الله معروفه

عليان وهذي ماريه

:

البيضاء لابو نواف

ترفع براس المشرافي

كلن سمع به وشافي

من ينخي قال ابشر بيه

:

والنعم ياحرن صادي

كل المدايح اتقادي

لابو نواف الاشهادي

قومو له قدر وجاهيه

:

وجهه من فزعاته نوّر

وحضوره هيبه اتصور

واسمه لاجيالن تطور

باالفزعه صار احداثية

:

في رتبة لواء ختمها

وكل الخلايق خدمها

وتقاعد بعد وسمها

وسم البلاعسي لك فيّه

:

عسي من جابك للجنه

ياحروة شفاه وضنّه

ايقونة فخر له فنه

علي المراجل شفيه

:

ياحضور الحفل قوموله

صفو باالدحه دحوله

يستاهل سليل زحوله

عليان لعينه دحيه