كلمات اغنية ضباط الدفعة خالد الدهيري 2025

ضباط الدفعة

حي الرجال اللي تدك الميادين

روس الرجال اللي تدوس المنايا

واخصكم يالرابعة والثلاثين

من دون قاصر بالرجال الدهايا

انتم هل الامجاد بالصدق ماشين

ومع راية التوحيد قدنا السرايا

في جيش اخو نوره طليق الحجاجين

سلمان سلمان الحزم والمزايا

خادم بيوت الله وفي نصرة الدين

وحامي حماها بالعلن والخفايا

وخلفه ولي العهد حط العناوين

للرؤيه اللي بالمدن والقرايا

نهضة حضاره بالوطن والقوانين

واصبح وطنا فوق كل الحكايا

وعلى المعزه خوة ايام وسنين

مع الوفاء والطيب صدق النوايا

تجمعوا روس الرجال الميامين

لله در اهل الفعول الدهايا

عند اهل حايل بالكرم والنبا الزين

مقر للضيفان طيب وتحايا

وضيوفهم تقلط بصدور الدواوين

اصل الكرم والجود ماهي دعايا

صغيرهم بالطيب ماقال بعدين

وكبيرهم يعطى جزال الهدايا

ولله در اللي على المجد ضارين

شرابة الدم الحمر يالطنايا

اهديتكم من صادق الشعر بيتين

وتقبلوا مني جزيل التحايا