كلمات اغنية مكسور قلبي خالد الدهيري 2025

مكسور قلبي

ابحرت بالخوه وانا صادق" حيل

و الله خلقني. للوفين عبره

وفيت لي ناس" في بالي رجاجيل

واثري على ماقيل حفار قبره

اعطيتهم ماي العيون المظاليل

مكسور قلبي من قوى اليوم جبره

افنو عن عيوني جميع المحاصيل

واللي قوي القلب مافاق صبره

ساع طمعو بالماضيه والمقابيل

بانت وجيه" شهب سود" وغبره

الله يخارج راعي البن والهيل

ويشوف بعيونه رخوم" تسبره

هدو علي ياصاحبي هدت الخيل

هدو وانا مالي مع الشين خبره

من طحت راح الصبح وتبين اليل

هجير ليل" ماترى العين شبره

عز المراجل عزها راس" وذيل

وغزل عليها بكرت الضيم ببره

تكالبو مثل النساء يالحلاحيل

وذكر زمان" فات وتهل عبره

اتذكر الخوه وصوت الفناجيل

الصوت بح وما بقا فيه نبره

الحيل مابه ياهلا النايفه حيل

بعد الغدر ما عاد شي" نخبره

ياوجع قلبي ماتحملت ماقيل

لو هي صغيره فالنواظير هبره

قطرت وفاء بعيوننا كنها السيل

الجلد عانه زين من شيل وبره

حسيبهم من ينزل بتالي اليل

ويجيب دعوات المخاليق جبره

يارب بيديك العطاء ماله مثيل

ارحم ضعيف" تحفر الناس قبره