كلمات اغنية ابا ابيع قلبي خالد ال بريك 2024

ابا ابيع قلبي

سرا الليل وانا والتفاكير حط وشيل

على ( سيدٍ ) مزفلت لا لفه وتدويره

لاتكثر علي من المشاريه يابن طفيل

وانا ماني الاول فالايام الاخيره

صواديف بقعا مثل جيش ابرهه والفيل

وانا معتنز بالله ولطفه وتدبيره

معي ضيقتن ماتنتهي غير بالترتيل

لاحاوطتها " بايات ربي وتكبيره

تفاكير وارهاق ومواجع وهدت حيل

ورحلة خيال بدون فيزه وتاشيره

لاجاني خياله قمت اردد ياليل الليل

واصبح على ديره وامسي على ديره

ي ليت القلوب تسام واتعرض لـ تقبيل

ابا ابيع قلبي " واشتري واحدٍ غيره

لو يروح جيل وعقبه اجيال تتبع جيل

انا صرت قصه مثل الاقصى وتحريره

دوابي خياله لين جيت الجدي وسهيل

انا كيف بلقا منه ملجا وتقزيره

عيون المفارق بينه لو ضحك تمثيل

و لوه ضحك لك بينن فيه تاثيره

اكافح واثابر واتصبر واشد الحيل

مصير الزمن لو جار تصفي مقاديره

ابي عزلتن عن مجتمع قال ولا قيل

وابي لي خلاً تصفي براسي تفاكيره

انا ماعرف اجامل ولا اداني التطبيل

وكل شخص عندي حسب عرفه وتفكيره

ترا من ضرا ب الهون والكذب والتظليل

يبا يروح في عيني كبر حبة شعيره

احب الرفيق الطيب الوافي الحلحيل

كريمٍ فرض نفسه وطيبه وتقديره

وشروا علي يستاهل المدح والتبجيل

وعليه القصيد يزين قافه وتعبيره

يحذف البريمي مثل م يحذف المنديل

على العز ياراسٍ ماحسب مخاسيره

يابو عيضه اطنخ واودع الضيق لـ ترحيل

وتبشر لك بعصما قصيدي وتصويره

في محفل بنيخيك الهلا مفصله تفصيل

وعليهم يليق البشت ويزيد توقيره

وعليك انت يابراهيم مزن القصيد يخيل

لامنه وقف زف السعد لك تباشيره

قبوله لحاله يكفي اعن الشحم والهيل

وقولت وسبع انعام صارت جماهيره

تحيزم ب اخوه اللي لاوقف يعدل الميل

يحق اله يفخر دامه سلاح وذخيره

ي عبدالله مذلل صعيب الامر تذليل

هذا من دهاة الطيب واكبر هواميره

تشوف العشا في عينه اوضح من القنديل

وجمع طيب راس وسيرتن حيّها سيره

مذاخير عايض كيف تلقى ردي وبخيل

ثعو في كنوز المال و اخلو دنانيره

ياكم اسرفو فالعود الازق وذبح الحيل

وعلى المرجله مامنهم اللي عكس سيره

سلايل ( اثماله) مجدهم مايبي تفعيل

خذو قمة المجد الكبير ب حذافيره

ورجالهم مايرضي الهون والتقليل

وولدهم على صغره تقادح سعاطيره

زمانن مضا يوم المناوخ وعن الخيل

ياكم راس شغمومٍ على الدرب تسفيره