كلمات اغنية احلامنا خالد ال بريك 2025

هل الهلال وجاوب الطير صداح

والعيد دايم يحيي الشوق فينا

ف لياله نشوف المسره والافراح

الله يعيده كل عامٍ علينا

تزين الانفس فيه وتزين والارواح

اليا اجتمعنا فرحته تحتوينا

و انا معك ي صافي الود مرتاح

بعد الغياب وقسوة البعد جينا

امنول تجيبك ذعاذيع الارياح

واليوم فالعيد السعيد التقينا

الشوق في عيون المحبين فضاح

والعين ماها قام يملا يدينا

الكل منا ،،، ممتلي قلبه اجراح

وخطنا الجروح بصمتنا ماشكينا

و احلامنا اللي روحت نهب وصياح

يمكن بعد طول الليالي تجينا

و الفرصه اللي ماتهيت لسداح

يجي عوضها ،،،، واحدٍ من حدينا

عندي على تحقيقها عزم وكفاح

تزين ،،،،،،،، ولا جعلها ماتزينا

واللي يديه اشحاح ،،، وعزومه اشحاح

مع الطريق يروح ،،،،،،،،،،، لا يحترينا

ماني بمتحسف ،،، على كل ماراح

ولاني براجي ،،،،، حاجةٍ ماتبينا

من خلقت الدنيا عزيزين يا صاح

وعن هرجة اللي خلفنا ،،، مادرينا

ما كل رجالٍ ،،،، له السد ينباح

وما كل عدٍ ،،،، يروي اليا ضمينا

وانا من الامداح ،، لاجيت ابى ارتاح

اشوف من يستاهل المدح ،، فينا

من الفخر كنا على خف وجناح

قوم على (حب المراجل ) ربينا

وقفاتنا تشبه ،،، بواليج الاصباح

على دروب ،،،،،، اجدادنا الاولينا

مدهش عتيبه ،،،، واهل علط الارماح

اللي يجرب فعلنا ،،،،، مانسينا

ذولا بني عمي عشاشيق الامداح

اللي لهم ف( مرسى الامجاد )مينا

اليا ذكرت اني ( رفيق ابن شلاح )

تهون( عسرات الدعاوي) علينا

احمد نعده محزم ودرع وسلاح

و سيفٍ ليا حان اللقا في يدينا

انته ي اخو فواز الك فعل وضاح

نجمٍ بروزه ،،،، يخفي الفرقدينا

زراقيٍ للماقف الصعب،،، نطاح

فيه الهقاوي طيبه ،،، لا هقينا

راس انتحاريٍ على صدره وشاح

يداحم الدنيا ،،،،، بجنبٍ متينا

هذا الرصيد اللي من الطيب مجتاح

وحنا مسمينه ،،،،،،،، بـ ( دسم اليمينا )

كنه يقول المال ،،،،( ي جان الارباح )

عساه والله فدوة ،،، اللي يجينا