كلمات اغنية ارجهن الليل خالد ال بريك 2024

ارجهن الليل

البارحه يوم ارجهن الليل والشاهي خدر

مع اول بياله بدا هاجوس فكري يبتدي

وامّا رقابي ما اتجه بي للطريق المنحدر

حتى لو ان علمه تحت راسي وحبله في يدي

اصدق شعور ٍٍ فالعقل واصدق شعورٍ فالصدر

بالله وين اروح منها كلها وين اغدي

العذر منك يالشعور العاطغي واعلم وادر

اشعورك الصادق على راسي وفي قلب اجودي

ماتنهي الدنيا مقاسيم الله وحكم القدر

ولا تهون العشره الا بين كذاب وردي

واللي سمعته من وفا يجلا عن الصدر الكدر

يفرح به اللي مقصده طيب وفاهم مقصدي

ياكم لعب فيني الزمان اللي صدم بي في جدر

ولا اختلف طبعي مع الطيب ولا كل جهدي

حتى هلال اول شهر لا شفته اشوفه بدر

ومكبرٍ عن صجة العالم وسادة مرقدي

انا ادري ان ماكل ليله في السنه ليلة قدر

ولا الثرى مثل الثريا اللي على حد الجدي

واللي على وضح النقا مايلحقه لوم وغدر

ان حب مسرى الليل ولا حب مسراح الغدي

اقابل بوجهي ولا صديت من خلف الخدر

فالساعه اللي لو ثمنها راسي وراس ولدي

والطيب مانندم على فعله لو يروّح هدر

اما اعتبرناه صدقه ولا اضحيه ولا فدي

والمدح ماهو شرط نمدح كل واحد مقتدر

كم واحد مستور حاله في فعوله نقتدي

والله ماحنّ القصيد الا من الوجه الودر

ولاّ قصيدي فالكفو يندى مثل كفٍّ ندي

كم لي وجزلات المدايح في ضميري تهتدر

وتقول انا من ندّر القيفان واقول بعدي

صدرتها مثل القرار اللي من الحاكم صدر

في ساعه هاجوسها يبرق وليله سرمدي

ذرية هجوس من بنات افكار عقلٍ مافدر

ماكنّها الا جخدبياتٍ تحت ظل سعدي

سلام ياللي مابقى ناموس منه مابدر

ماهو بيمشي مشي لا والله على الطيب يعدي

وصفه قليلٍ فالرجال وفعله الا ماندر

ان جات فزعة مبتلي وان جات لطمة معتدي

يقدر لمنه حاول اللي لو يحاول ماقدر

ويزبن اللي بينه وبين الصواديف طردي

يشري المراجل كلها صافي مايشريها كدر

والله عطاه السمعه اللي كنها لون بردي

هذا ولد شايع محمد سمعته عسل سدر

رجمٍ له كنان وذرى ماهو بقاعِ جرهدي

ماحاشت يمينه يحطه للمسيّر فالقدر

هذاك ضيف من بني عمه وهذاك انودي

اقولها ولا علي فاللي سند و اللي حدر

انا على خير وعلى غيره سنايد مسندي