كلمات اغنية البرامكة خالد ال بريك 2024

البرامكة

يضايق خاطري صوت الخلوج وحنة الحيران

ويشرح خاطري ريح المطر والبن والشبه

جثاميرٍ توهجر جمرها ماشابها الدخان

وهجها كل ماهبت هبوب النود تلعبه

عليها مايوقل غير دلة مصنع الرسلان

نحاسٍ.. يطعم من الهيل والمسمار يثعبه

ولا يستاهل الفنجال غير معرب الجدان

على مثله يوقف راعي الفنجال ويصبه

وانا شاعر يقود الركب ماني بتبع الركبان

وسيفٍ ودك يجود مع نصابه ويضربه

مادور في بني عمي كلام فلان ولا فلان

ادور للمدايح عذر … وادور على السبه

وابن قروش فهد شيخ وجبل كنه جبل حوران

يورالي كذا … ومنين ماهب الثنى هبه

هذا والله الحصان اللي عليه تراهن العجمان

تلزه فالسباقات الحماسيه …. وتكسبه

هذا والله هو القادح وهذا الصاطي البطران

الله الحزام اللي بني عمه تحزم به

ظهر فينا مثل مظهار ابو خوذه على الجربان

وجندل لابسين الجوخ مع لباسة الجبه

دخل قصر المراجل كنه داخل في قصر برزان

وقفل من وراه الباب بالمفتاح والضبه

ولد هادي تفرد بالعناد وسطوة الشجعان

تقلد بندقه واخذ ذلوله والصعب ذبه

على دربه يعيشن السباع ويقنب السرحان

مجاويع الذيابه مارمت يمناه عشت به

عليه الطيبين اليا بدا اللازم ترد الشان

تنصاه الركاب اليا تغشى الزمل ضبضبه

تماري به قبايل يام فالوادي وفي نجران

يفك اسمه رقابٍ تحت حد السيف منكبه

مناهج سيرته ماغير ذي مده وذي صفطان

عسى الله يبغض اللي يبغضه ويحب من حبه

شهر مثل العقاب وحام له حومة على العقبان

وساد الضلع ..كن الضلع ماقبله حدٍ ربه

على مثله يقاد النعم قود الخيل بالارسان

يعقلّ له قصيد المدح ويبرّك على ركبه

برامكة الزمن هذا فهد ونغيمش وراكان

مثل يحيى وجعفر والفضل والكل نعمٍ به

حرارٍ ماتصيد الا الثنى خل ابرق الجنحان

مواكرها على راس الجبل ماهو على الشبه

نغيمش لا بدى لازم بني عمه شعاه جنان

يموت الشامري والسجن ماشافه ولا طبه

علينا يال شامر مثل ابن هادي على قحطان

لبس بشت المدايح بالفعول وقام ينصبه

يمينه شامريٍ راس رمح ويرهب العدوان

يدقه فالنحور ويبلش الدكتور في طبه

معه راكان والركن القوي لاهابو الذلان

يلوّح بالحصان ويطرد الخيال فالخبه

سليل العزوة اللي صيتها بين العرب رنان

مشاهير ال شامر عزوتي خيالة السربه

زحول الماقف اللي ماتغادر صورته لذهان

وركنٍ من ركون عجيم والعجمان تفخربه

ليا حمي الوطيس وقيل ياوجدي على العجمان

ينادي للفخر خيالها ويعقلّ ركبه