كلمات اغنية الحروب اللي يردون البرا خالد ال بريك 2025

الحروب اللي يردون البرا 

ياهاجس الأفكار مفتوح المجال

لا بانت القمرا ترا الساري سرا

البارحه من فوق هامات الخيال

جزايلي ساقة مع الليل سبرا

باسم الحروب اهل المواقيف الثقال

اهل الثلاث البيض مامعنا خشرا

يا مرحبا ترحيب وافي بالرجال

باسم الحروب اللي يردون البرا

يامرحبا والبن من صفر الدلال

على هلا ياشيوخ ورجال جبرا

حنا قبايل عوف وافين الخصال

نفخر بفعل جدودنا لامن طرا

ترا لولد حسين بيرق بن بلال

عالي بفعل ايمانهم ماهو شرا

اسليم ابن بلال شيخً للجزال

يدري به اللي مابعد فاق ودرا

وانته يابو خالد ترئ صعب المنال

لأنك ذرئ اللي مالقئ ظل وذرا

يا كاسب الجزلات في كل الليال

تاريخك مشرف لمن شاف وقرا

فعلك يداحم بالمراجل كل جال

سيوفك عيالك في جنبك واشورا

وعيال اخوك اهل المكارم والكمال

مثل السحاب اللي علئ القاع امطرا

هذا الحسيني لا ورد يشرب زلال

يا ناشد التاريخ عن فعلً جرا

ربعي على الطالات والجزله مثال

قومً نهار الفعل ما نرجع ورا

كم طامعً من ليلته شد الرحال

وصحيبنا نفديه بالروح جهرا

فعلٍ لولد حسين ماحوله جدال

حريبنا يبطي وجرحه مابرا

وافعالنا مثبته مثل الجبال

ماكنها الا قمة طويق وكرا

وصلو علي المبعوث في يوم السوال

شفيعنا واعداد ما عينك ترا