كلمات اغنية الحظوظ السمحه خالد ال بريك 2025

في ضفاف الليل واسبر ضوح نور القمرا

يالله ب نورٍ يضوي عتمة المنشرحه

ماشنيت من الليال الا الليال السمرا

ولا رجيت من الحياه الا الحظوظ السمحه

الجروح تعيش مع دورة رحاها وتبرا

وجرح صدري كل يوم يمر يكبر جرحه

راكز حيود النصايب فوق قبر الذكرا

عقب ما شفت المحبه لاحقتها شحه

ماتبعت احلام عمري عاد فاتبع عذرا

لاتكبرها ترا الموضوع قلبت صفحه

حافظٍ وجهي عن عيون الوجيه الغبرا

ماهو بيعرف خفاه الا الحدوج و سَمحه

السنافي لو ب صدره مثل قيد الاسرا

ما يفضفض عن خفاه ولا يهل السبحه

يدري ان شرهت شماميت العرب ماتدرا

واحدٍ يدفن حزونه تحت وجه الفرحه

كل عوق بقو صملات النشاما يشرا

مير عوق الفقر لأحلام النشاما ذبحه

ذاخرلي من مضاريب الضروف القشرا

هيلعٍ يعطب رماح القوم مضرب رمحه

لا غدا وجه الضعيّف مثل لون الغدرا

نور وجهه يِقطع الساري عدايم رمحه

ياحجا رجمٍ حجاه من الهبايب مذرا

لـ شهرانٍ رجمٍ يذري ربوعه صرحه

ضلعنا عبدالعزيز الي علينا يدرا

المعالي وسع بال والمحاجي شرحه

تكبر الدعوا على عيال الرخوم وتزرا

وتنتهي عند ابن جلبان بغاضين لمحه

في يمين ابو محمد للمراجل مجرا

تحتها صدور الطفارا من العطا منشرحه

تعطي يمينه ماتدري عن عطاها اليسرا

اليمين عدود تيماء والنوايا بَرحه

لانحره الي ظروفه الاوله في تلو الاخرا

ينتهي موضوع ظرفه قبل يبدا شرحه

لا عطا الطيب من خيار النوادر صفرا

يعطي صكوك العقار ولا تزعزع ربحه

لاتنشد عنه … عاين في عيونه تقرا

المراجل في حجاجه والعشا في شبحه

تالله ان هذي الفعول الي تعد وتطرا

خل عنك الي فعوله ماتهيض المدحه

ليه مايجمل ؟ وربعه بالجمايل تذرا

ساس فعل الطيب واول من تعلا صرحه

من بني بجاد العزاز متهين العفرا

اهل واديٍ تثمر غروسه وتامن مرحه

من فخايذ روس ربعي ستر وجه العذرا

صلب شهران العريضه مبعدين الشبحه

روسٍ تناطح الاشاوس ماتجيها غدرا

من مضاربها راع البجحه يخلي بجحه