كلمات اغنية الخليج يضيق بي خالد ال بريك 2025

النجوم اللي على كبد السماء منثّره

اسري اليا شفتها واقول وش سرّاني

والخليج يضيق بي من بحره ليا بره

كن مافالكون واحد جايه اللي جاني

والحياه تبيّح اللي مايبيح بسره

توجعه وتعقده حتى ماعاد يداني

والله اني ماتبعت العالم المنغره

عارفً حق الصحيب وحق وجه العاني

والصحيب اللي مايكفي صاحبه من شره

ذاك لاهو مسلمً بين ولا نصراني

كن في صدري صفوف قصيّر المغتره

ملعبه لحبيب الروقي وابن جدلاني

وانت ياطارق تبا من بحر شعري دره

والله انك ماتضيق وصاحبك شيباني

وانت شلت الحمل عني فوق ١٠٠ مره

مير هات الحمل وانا برتكي بامتاني

وكان ماسويت قاف لخاطرك ويسره

كبني لاعاد تزهمني ولا تنصاني

مرحبا في محفلً صيته زما لذره

محفل اللي يعتزون بسالف الجداني

في حفل فواز قرمن يوم كلن مره

قال هذا باسم ابوي وباسم كل اخواني

ذا زياد وذاك سامي صيت لله دره

وطارق يرحب بكل حضورهم من داني

عيال عودن سمعته ماتنتهي بالمره

عامره ثم واصلوها محتمين الجاني

والله انه لو يشوف افعالهم لتسره

مير هذي سنة الله فالزمان الفاني

بدري اللي جعل قبره روضةً مخضره

ويتهنى بعد موته بالقطوف الداني

واثني الترحيبه امن العارض اليا الحره

باسم قومً بالفعول افعولهم تشعاني

لاد سامر عزوتً مايتبعون الجره

مع مقاديم السرب لابانو العدواني

الصحيب ينومسونه والعدا منضره

لاتقدم واحدً منهم يسد الثاني

من سلايل لاد روق معاودين الكره

في خضم المعركة بايمناهم شاماني

من عتيبه متعبين خيولهم والحره

عزوتً ماتهرج الا بالفم الملياني