تاريخ طرح اغنية خالد ال بريك الجديده الدواسر مزبن الي شكى جور وخوف
١٤ مايو ٢٠٢٣
كلمات اغنية الدواسر مزبن الي شكى جور وخوف خالد ال بريك 2023
الدواسر مزبن الي شكى جور وخوف
مرحبا ترحيبة كنها ضوح النهار
مرحباً اعداد برق من القبله سرى
مرحبا على ازرق العود مع شط الحوار
والحفل بحضوركم يالمناعير اسفرى
شوفة اهل الطيب مكسب وعزً وافتخار
مثل مجروح بعد شافكم جرحه برى
لاح برق الشعر في عرض مرزمة القنوف
وامطرت جزل القوافي و هل خيالها
لابدى للشعر وقفه و للشاعر وقوف
واستوت نقض المثايل فـ انا فتالها
شاعرً لاقام فالحفل قامت له صفوف
وان تقدم بالمثايل يجيب جزالها
مادجر راسي على العود مع دق الدفوف
كون في لازم صبيً يحل اشكالها
والله مالي عذر لو كنت انا عندي ضروف
كيف عاد بـ دعوة اهل الوفاء وامثالها
مرحباً في محفل الي ترحب بالضيوف
لابةً تكرمّ وتردع شبا عيالها
في زواج الي نبا سمعته فوق الطفوف
كل ماجات الصعايب يقول انا لها
حفل ابو مناحي عسى الله يكفيه الصدوف
والله يبارك بمسعاه طول ليالها
يافهد عند الخوي درع جنب وله تروف
والحمول الكايده بالمتن تشتالها
ظابطً يزهى نجومً تلامع بالكتوف
يعشق العليا ويتعب لها و ينالها
ياولد من موقفه مثل مفتوق السيوف
وفعله اعظم من سطاها وحد سلالها
سمعتك يبو فهد من شروره لـ الهفوف
كل ليله في المجالس يجي مجالها
يامناحي شمس وقفتك ماجاها كسوف
ماتغيّب مع نجومً السماء وهلالها
ترثة الي من غزاهم عن الكور محذوف
وان لفاهم هاشل يهتنيً بضلالها
النتيفات الوفاء والكرم غيث الضعوف
و النتيفي دايماً كرمته بلحالها
وان نصاهم معمي العين كنه مايشوف
من يناطح له رجال سوات اجبالها
لاعتزو لاد العميري بعد صوت الهنوف
سترها لافرعت وحذفت بجلالها
لاعتزو لاد العميري مواريد الحتوف
يرخصون الروح شيبانها و عيالها
وحن خوالك كان قصرت عزومك لشفوف
لاد شكرً اهل الشلايل و ست رحالها
والدواسر مزبن الي شكى جورً وخوف
يعجز الشاعر ولا احصى جميع افعالها
اغنية الدواسر مزبن الي شكى جور وخوف خالد ال بريك 2023 بالكلمات مكتوبة كاملة من كلمات عامر بن ناصر الشكرة تم طرح اغنية خالد ال بريك الجديدة على القناة الرسمية على اليوتيوب بتاريخ ١٤ مايو ٢٠٢٣ كوبليه كلمات اغنية
- كلمات : عامر بن ناصر الشكرة
