كلمات اغنية الشجاع يموت مره والذليل الفين مره خالد ال بريك 2025

في كنف ليله يهيم الشاعر بفكره لحاله

في يمينه مشعلاً يضوي على جوهّ وبرّه

لا نشا المنشا يهيضني وأخايل في اخياله

واتلقى صدري المشحون وأفك الازره

كل ما سجيت رجلي والفكر يثري خياله

كني اللي طاف ما بين الكواكب بالمجرّه

الله اكبر يا زمانً ما عطى الفارس عداله

يوم خيّال الصويتيه خذا كره وفرّه

لا تلومون الجويدي كل ما زاد انعزاله

قفلوا باب العتاب وقفلوا باب التشره

القصيد احيان مايوصف احاسيسه وحاله

لو على قافه يقولون العرب لله درّه

العرب تطرب لقاف الشاعر ونبع الجزاله

وتجهل بحاله يوم انه يبدع البيت ويجرّه

إيه أنا اللي ما خذاه الكبر واغوته الضلاله

ايه أنا اللي ما شكت جور الزمن برده وحره

النجاح اللي رسم دربه وسواه وسعى له

ما ينول المجد مستنسخ ولا تبّاع جرّه

الثمينه ما تجي للرجل في هون وسهاله

دونها درباً صعيب ودونها حلوه ومرّه

الزمن يبغي مغامر مايهاب اللي قباله

الشجاع يموت مره والجبان الفين مرّه

ينطرب راسي على ال بريك ما يسمع اصاله

خص لا غنّا بشيخ الطيب والموال جره

لو يقيومون الحكومه كاس عالم للجزاله

فاز به ممدوح ابن جازي عسى الله لا يضره

يعْدل احوال الأوادم كنّه يعدّل عقاله

من يجي له ضايقً باله يبشّر بالمسره

ذاخرً للناس جاهه مرخصً بالطيب ماله

ياعسى يفداه منهو يجمع المال ويصرّه

في سبيل الطيب والوقفات يحرق في رياله

الدراهم في حساب البنك ماهي مستقره

أتفاخر في سفير الجود واثني في خصاله

طاري الوسوس ينومس للعرب جهره وسرّه

وراثً شيخة شداد وصناعً مجد وشكاله

بالمواقيف الكبيره والعطايا المستمره

كل حملاً يتعب زحول العرب لا قام شاله

ماقصر خطواه لو يمشي على ضلعان حره

امتزعم للمراجل والطناخه / والبساله

بالعزوم اللي على الوقفات لا يمكن تغره

ما يعذرب في فعوله غير من تقصر حباله

واحد ما يفعل افعاله ولو مثقال ذره

المدايح ما تجي من غير وقفات ودلاله

والردي بالطيب ما ياقف لو تقوم وتجره /

من قبيلة حرب والتاريخ لا يمكن زواله

مجدنا كل القبايل تعترف فيه وتقرّه /

نعترف بالممكنه ما نعترف بالاستحالة

هكذا صرنا نسوي معجزه بالطيب حره

المكارم والطناخه والحميه والاصاله

تجتمع في حرب ربعي سادة الطيب ومقره