كلمات اغنية تباشر البدوان خالد ال بريك 2024

تباشر البدوان في طلعت سهيل

وليل الشتى معروف راعي طويله

خلوني اخذ راحتي ي رياجيل

لين اشعل من الزند خشم الفتيله

اخذني الواقع لبعض التفاصيل

اخذ العزيز اللي مايشفي غليله

الا ليا منه سرا باول الليل

محدد الوجه ما دور . دليله

مترصدت له في الحياه الغرابيل

الخط واضح قدمه ومستوي له

لو يعترض له ابرهه راعي الفيل

ماهو مجنب عنه .. شاله بفيله

ليا اونس اللي من تحت رجله الويل

ماهو . معين خير واعزتي له

طواري افكار وهجوس ومواويل

ويشوش لاشغل مع الخط شيله

احب ما للنفس زين التعاليل

احب من حب الخليل لخليله

عيت معه دنياه تمشي تساهيل

كن الظروف الكايده تنتمي له

متوجه لمطلق كفو صفوة الجيل

يبا يوسع خاطرً ماااااا يبيله

الا قبال وقلبً تقول قنديل

ووجهً لا شفته قلت راعي فضيله

يا. خالد مبارك زهتك .. التماثيل

ويليق بك بني البيوت الجزيله

غمرتني سفطان يا. موفي الكيل

و رد الثنا واجب لراع الجميله

كريم سبلا باللقاء تعدل الميل

تافي ليا بار العميل بعميله

يالابلج اللي جود كفك هماليل

مغدق عطى يدرج على الارض سيله

تورد الظميان عذب المناهيل

صافي قراح جمته سلسبيله

من كثر ما قلط من الحشو والحيل

اخاف يعلن بانقراض الفصيله

معك بني. عمً قروم وزواحيل

علمً تقول يتم بايا …. وسيله

ترثت شيوخ ومن زحولً مشاكيل

ورموز عدو من ركون القبيله

من قبل لا ينتج من النفط برميل

وقبل معزي لا يعسف الكحيله

مداتهم تصعب على بارد الحيل

يوم الفقر طربان. يلعب بذيله

تملا فناجيل .. وتشرب فناجيل

حمران ما تثقل عليهم ثقيله

السربه اللي لاعتلو ضمر الخيل

تبطش بشذرات السيوف الصقيله

ربعي بني عمر الدهاه. الحلاحيل

اهل نقا ما نأخذ الحق .. حيله

الحق ثابت لاكن الباطل يزيل

الله يسلط. له مشورب .. يزيله