كلمات اغنية تجارب الدنيا خالد ال بريك 2025

يوم ابتدأ صبحً يحذف الليل عن دربه بعيد

ينسف بقايا الليل الأسود معطيً الكون نحره

الليل ولو طوّل وساعاته على الساري تزيد

لابد من صبحً يحذف الليل الأسود ب سفره؛

والشمس بيّن خدها تنبي عن الحسن الفريد

مدت يديها تاخذ من اقرب سحابه منظره

خلوني أسافر عن الواقع عسى بالي يهيد

على حساب الذكريات اقص كرت التذكره

الذكريات الها ثمره لو كان راحت ماتفيد

مير المهم الواقع الملموس مافيه ثمره

مكارم الاخلاق ف بنوك الصدور اكبر رصيد

توّرد الرجال ميراد الفخر وتصدره

والي فقدها كلها لو مات مايحسب فقيد

ان عاش ماحدن يذكره وان مات ماحدن يذكره

وبعض العرب يسعى ورى الفتنه مثل ساع البريد

ماهوب راعي شور بين الناس راعي شوشره

وبعض العرب تكشف عيونه قبل هرجه وش يريد

يوم يتحادا في الطريق ويوم مثل المسطره

حسب المصالح خوته تقرب ويبعدها بعيد

ميزان عرفه يازن الخوه ب وزن السمسرة

الوقت لو تضحك لك أيامه مامدك ب الزهيد

وان كشر ب نابه تعيش ادور الضحك دوره

(هرج السعه ) ماخدر إلا صاحب العقل البليد

وبعض العقول بدون شبو وكبتاجون مخدره

تجارب الدنيا محكً للشقيّ وللسعيد

كم واحد في غفلته مااعطى خبر جت ب اخبره

يمسي بخير وزود وأحلامه وهقواته تزيد

ولا يصبح إلا هوّ وأحلامه بوسط المقبره

مثل مايلعب ذاري النسناس في خضر الجريد

الذكريات تلاعب المشحون ويطول سهره

ولا تبلغ الأهداف غير ب سيف عزمً من حديد

وممشى الثقه ماهو ممشىً به غرور وبختره

لو اكثر العالم تضيع الفرق واضح والأكيد

يجيك من بين الثقه ف النفس والكبر شعره

ولو يعجبك بعض الشجر بالظل والطلع النضيد

ظل الجبل طول الزمان باقي ماهو ظل شجره

عليك ب الي ل زهمته لإيميل ولا يحيد

ف الكف همال (ن ) من الغرا وف الراس نعره

سعادة الدكتور فيصل مقدم المجد التليد

هذاك ابو نواف ل صعبت عطا الصعب نحره

لو للمراجل ساس حكم ب سلة السيف الحديد

شفت البحوري مالكـً جوه وبره وبحره

ف وسط قصرً في شمال العاصمه مزموم حيد

تذري ركونه من حداه الوقت عن شوف ديره

في مجلسً يفوح منه الجود والرأي السديد

قبل يفوح العود الأزرق فوق جمر المبخره

يذكرك في هيبته بلاط هارون الرشيد

الي بوقته ماوصل صيته ولد رجل ومره

عليه لدات الثنا الوهاج في عيون القصيد

بالفعل خلا مدورين المدح تمشي ف اثره

ينصى المواقيف الكبار ب هيبة حزامً جويد

اليا اعتذر عنها ردي الجد واعطاها ظهره

الطيب يجري معه مجرا الدم ف وسط الوريد

حراً جناحه في سما الأمجاد والعز شهره

ذولا بني ثعلي ليا قام العضيد امع العضيد

نوً من المنشا نهار وليل ماكف مطره

واحدهم يشوف المهمات الكبيره ليل عيد

لو تطلبه يومً من أيامه يسوقه مااذخره

اهل العنان أكابر الطاله منزحة الضديد

ميقافهم ياكم عدوً حزة الحرب اكسره

من لاد مريح يوم بقعا في يد أبليس المريد

في حزةً ماتعترف ب العفو عند المقدره

اليا سطوا يوم الحرايب طوعوا راس العنيد

ب الرمح قلب المعتدي عن ضلع صدره تظهره

وسمو البقوم اهل المواقف في ضحى اليوم الشديد

يوم ان للخيل العوادي من على القاع غبره

تخلف هقاوي من هقا في حربهم يوم الوعيد

ب دهم الخشيب الي يلوح التاج فيها تدحره

للعز ياسمو البقوم اقول واكرر واعيد

من دون دار ً شمسها ماتشرق إلا مفخره

هاذي تربه حتى هواها عطر تاريخً مجيد

كن الفخر مجمر وهامات الجبال معطره