كلمات اغنية حضرو لصف لعيبه خالد ال بريك 2023

حضّرو لصف لعّـيبه

‏‎وابدع ابياتي واغنيها

‏‎الجبل لامن عوى ذيبه

‏‎العرب تقصر مساريها

‏‎شاعرٍ يعرف مواجيبه

‏‎ياخذ الحجه ويعطيها

‏‎والرفيق الذرب ودي به

‏‎والقروم افرح ب طاريها

‏‎وابن عمي لاذكر طيبه

‏‎سمعته قمت افتخر فيها

‏‎عند باب الحفل ترحيبه

‏‎والضيوف الله يحييها

‏‎قافي الليله معازيبه

‏‎تعرف اسماها واسميها

‏‎عند ابن مبخوت علمي به

‏‎والنواجع حي طاريها

‏‎خالي اللي يوم اماريبه

‏‎هقوته يبعد معاشيها

‏‎ تشهد الدنيا على طيبه

‏‎واكثر الهيّب امجريها

‏‎جعل تكتب له مطاليبه

‏‎والجنان الخضر ياتيها

‏‎سلّم اعواله مكاتيبه

‏‎كل منهم قال عطنيها

‏‎هد شافي عقب تدريبه

‏‎لا اطلب الطاله يضويها

‏‎وارثٍ فعله واساليبه

‏‎والمراجل مايخليها

‏‎باشر اضيوفه بترحيبه

‏‎والله ايبارك لـ داعيها

‏‎والهجوس الليله امهيبه

‏‎وقفتٍ تزهى ابناخيها

‏‎يطلبه مبخوت واجيبه

‏‎واظهر القمرا واسريها

‏‎فارقٍ في الجيل ترتيبه

‏‎يلحق الشرّد ويدميها

‏‎والولد تصفى مشاريبه

‏‎والخوال اللي تساقيها

‏‎ولي ثلاث ايام في ريبه

‏‎اقضب الكلمه واخليها

‏‎من سمع له علم يسري به

‏‎يترك الناس ودواديها

‏‎باقيٍ لي طرق اغنيبه

‏‎وقفةٍ ماني بناسيها

‏‎لابتي والعز والهيبه

‏‎فـ اول الدنيا وتاليها

‏‎والله ان الشعر مالي به

‏‎لين تطري لي عزاويها

‏‎الزمن تومي كلاليبه

‏‎والقنازع دون واديها

‏‎ان دعى الداعي على امصيبه

‏‎جات خفّاقٍ جنابيها

‏‎يوم قال العود حريبه

‏‎شاهدٍ على مغازيها

‏‎الملك يرسل مناديبه

‏‎والخلايا نعقل ايديها

‏‎كل موقف عز نحري به

‏‎لاغدا فيها ومافيها