كلمات اغنية حمي الوطيس خالد ال بريك 2025

حمي الوطيس وعوى الذيب وتغنّى حادي العيس

يَ الله بـ حظٍ يمثني بيرقي روس الطوايل

طلايب الوقت تال الوقت مَ ترحم الأحاسيس

كم فرحةٍ كذّبوها واقفت توّن الغلايل

ادخل على الله خلّوني لا جرّيت المناكيس

كثرت ديون الحزن والضحك فـ ارقبته جمايل

انا بدويٍ / في كبده مرّ وطروقه مقابيس

أموت شامخ ولا اعيش العمر عيشة ذلايل

مثل مَ فـ الراس شعر العبسي وطيش إمرؤ القيس

في راسي من القدا عرفٍ تقادح به فتايل

ماهي بلحية مجامل لـ ارحم الله نفخة الهيس

ثوب المدايح تهندامه يبي صادق دلايل

لـ المرجله فوعه وميدان ومدابك وفرّيس

ولا كل سيفٍ يخضّب فـ اللقى دم الجزايل

قل يَ فهد بن عجب واتعرف وش وقع الاشاويس

الي مراكيضهم آحر من شمس القوايل

هذا ابن عمّي ليامن عدّو بعاد المراويس

من لامني يوم اماري ديدنه والراس طايل

اظفر من البندق اليا قرح ،، واعصا من الكوابيس

وابيَن من البارق اليا لاح ، واصفى من المخايل

يَ عنك مَ مات من خلّف ،،،،،، على الدنيا قرانيس

منهاجهم منهج ،،،،،،،،،،، ( شريّان ) حمّاي الدبايل

لاعبني امجادك ،،، امجادك ماهي دحّه وتهويس

لا والله الّا مصادم روس ،،،،،،،،،،، ومصاقل فعايل

تطري عليّ كل ما طرّو ،،،،، هل الخيل النواميس

واقول في خاطري ،،،،،، وش عاد خلّا لـ الحمايل

يَ بو عجب وانت من يقلط ،، لها مقلاط عرّيس

ولا غيرك اللي نتعزوا به ،،،،، لجا وقت الصمايل

ان جيت لـ القسم رهّاج الجدل رهج الكراديس

وان جيت لـ الاسم عسّاف النعم عسف الاصايل

تقدّم وحط معدالك على الريس وهل الريس

عرش الاوايل بساطك ،،،،،، وانت خزّام الاوايل

مَ جبت غير اللي طروقه ،،،، توقّف كل جلّيس

تقول غِنّاي طاروق الجنازه ،،،،،،،،،،، دون حايل

الحي يحييك لاتحن الخصم لو ينفض الكيس

مَ لـ الحمول الثقيله غير شيّال الثقايل

ابوك ابو جبيل سبّاي الخطر عون المحابيس

عجب عجب عيننا ،،،،، لا هازو القوم المثايل

كم صيحةٍ فـ الغزو مخلف صداها هدرت العيس

جوّب لها عويَه ونزّح لـ اهلها كل عايل

ايه الله الله وهذا دلّنا منّا مفاليس

شرهين وعلومنا شرهات ونسوي الهوايل

حنا على الناس ،،، نارٍ متّقي من شرّها ابليس

الله لا يواثم ألاد الحريجي فـ القبايل

مافي تواريخنا بين العرب ،،، خلف الكواليس

اشرس تواريخ واصدق مرجله واطيَب سلايل