كلمات اغنية خوينا يبشر بسعده خالد ال بريك 2023

على مدار الطيب و ابشر بالسعد

من يبذل الثنتين يبشر بسعده

يا خالد ال بريك حنا بالوعد

لا عاش من يوعد وينقض اوعَده

اما تناغمها مع صوت الرعد

و ان حوّلت همّال مزنً مرعده

ينوض برق مزونها صيب و برد

لا ساقه الله جل شانه اوحَده

جنوب شرق الدار و شماله بعد

مرباع ذودً كل قفرً تحصده

في حفلة الطيّب جعل فاله ولد

عبدالله الفجري على حفل ولده

يابندر ابشر لا توصيلك احد

القاف عندي و القصيده موقده

خل القصيد اللي طواريقه جدد

واسمع قصيد اللي يِحَبْك المفرده

يا ترثة الفجري ليا قام و قعد

بالطايله لا قام حتى مقعده

يا مرحبا و عداد مايفنى عدد

عند ال فجري مرحبا سيق عدده

هل قصرتن يثني عليها من قصد

مثايل الشاعر لا غنا مقصده

روس شبَلَه و الطيب منهم ما ركد

الطيب ساسه منّهم لو تنشده

حنا نفل حجاج و نفك العقد

و اللي يِعَصْب الراس حنا مسنده

حنا صروح العز سيسان و عمد

صروحنا في كل عز مشيّده

من المهَد يا لابتي لين اللحَد

متمجده يا لابتي متمجده

خوالدن و المَجْد بلسانه شهَد

لامجادنا و فعولنا المتسيده

يسند علينا من يدَوّر له سنَد

يبشر بنا لا كلح الوقت اجهده

علي حرام إنّـا مطاليع السعد

خويّنا لا ضاق يبشر بسعده