كلمات اغنية راع الأوله خالد ال بريك 2026

راع الأوله

بهرو لي دلة الكيف من عقب الغياب

لين راسي خنّة البن الاشقر تقعده

ودي اشرع ضلوعي واشرع كل باب

وانفض اغبار الهجوس الجزل واجدده

شاعر لا شاش راسي يجي فيه اظطراب

خص لا جا ماقفٍ فيه قومه وقعده

لو تحطوني على حد ضرس وحد ناب

الرفيق القرم يبشرر بعزه .. وسعده !

حومتي في كل قمه ماهي حومة عقاب

حومة اللي يطرب اهل القرانيس هدده

راكب اللي مايهمه عجاج .. ولا ضباب

البعيد يقربه .. والقريب يبعده

مثل هرشٍ زرفل عصير قدام الركاب

مايرده راس عرقوب عرق ولا جلده

فيه ماتسمع وحيف الشوارع والمهاب

يقطع طوال المشاوير ما كل جهده

نصه اللي فالمواقيف يحسب له حساب

الخوي اللي ينومس خويه وبلده

راس قومٍ سيرته كنها وبل السحاب

حاتميٍ عند واجبه ماتقصر يده

علي ابن راشد راع الاوله دمث الجناب

عز من حطه حزامه وذخره وسنده

ماخذٍ قسمه من الطيب من عاده شباب

ان حضر محسوب وان غاب كل يفقده

وان عطى مادور اهل التويتر والسناب

وان وقف غيث تباشر ببرقه ورعده

كن ربي حط له قلب ذيب وعين داب

اصوك لا جا الرياجيل يعرف مقصده

ولد عود يكرم الضيف ويعسف الصعاب

سيرته بيت المكارم وساسه وعمده

ياعلي يا محزمي فالذهاب وفالاياب

والرفيق اللي يجي موعده قبل وعده

فيك لو اكتب من المدح مالذا وطاب

والله انك اكبر من الشعر قبله وبعده