كلمات اغنية سدودي وسط سجن انفرادي خالد ال بريك 2025

سدودي وسط سجن انفرادي

ابتدأ ليل القصيد المعتبر والجو هادي

يدفع الأفكار تعرْض في خيالي ذكرياته

عقلي الباطن يغني به من الالحان شادي

وعقلي الواعي يصور لي جميع مشاهداته

كني أوزع على الجمهور من شعري عيادي

لا تقدمت ب فريده والشعر هذي طراته

اتركوني في متاهات ، الخيال الا إيرادي

لين اسوي مملكه مابين غمضه والتفاته

الضلوع اسياج وسدودي وسط سجن انفرادي

الحكم فيها مؤبد من دخل يفقد نجاته

مستحيل اكون عادي دامني ماني ب عادي

الرجل يعرف مكانه بالخلايق من صفاته

كيف يبغون القيادي ، يصبح انسان انقيادي

من عقب ماهو يشق الدرب في كل استماته

وش مقام النفس من دون التمسك بالمبادي

الزمن هذا تخوف كل عاقل مغرياته

ما حقرت إلا الحقير ولا كرهت إلا الربادي

الكفو تسمو سماته والردي تكره سماته

حافظً شأني ما أقبّل للمتون وللايادي

وذاخرً شيكً مجيّر للزمان ومجرياته

الرفيق الكفو يفزع قبل لا استفزع وانادي

واحدً شروا العتيبي ، يالله يطول حياته

اتسلح به بوجه ، الوقت وأعدّه عتادي

كل ما جيته بـ كايد قال لا تزمل و هاته

درع جنب ومحزمً مليان وحصان وقيادي

الله يمدّه بـ قوه ، والله يزود بـ غناته

راس روقيً على الجزلات في عمره يفادي

العدو ياسم ب كبده والخوي ياسم عصاته

صارت الفزعات عنده شبه يومي واعتيادي

ولا فعل ما هو يسولف للبشر عن منجزاته

كل ما تدعيه له الوقفات ما ياقف حيادي

يتحدا ويحدا ، واثبت من طويق بثباته

صيت ابن غانم مع الأجيال لا يوم التنادي

والمدايح ما تليق إلا بمن سوّا سواته

ماجد ابن حمود ابن غانم خذا المدح الريادي

الغبيوي حاوط التاريخ من اربع جهاته

ما فهق فهّاق من طيبه مسبل للبوادي

وكل جولة طيّب المدات يهدي من بناته

افتخر يا رايد بعمّك ترا لايمك غادي

وانت ماسك في دروب العز والطاله وصاته

من عتيبه عزوة الهيلا ليا نادا المنادي

اقصفوا راسً على ذيدانهم ساق أمنياته

لا اسرجو قحص المهار وحدرّوا مع كل وادي

وردوها للعراق وصدروها من فراته

مروية علط الرماح ومروية شذر الهنادي

الخوي يامن ذراهم والعدو يلقى وفاته

فعلهم قبل الأمان يعم في واحة بلادي

من يعاديهم نهار الكون يبشر في شتاته