كلمات اغنية سم لازمك سمه خالد ال بريك 2024

لاح برق القصيد ولدت العين يمه

واستثار الشعور وفك باب القريحه

مالنا عذر لاجات الامور المهمه

ننطح الموجبه وانفوسنا مستريحه

راسٍ يغيب لاجاء موقف عيال عمه

ودك انه يشلوط مثل راس الذبيحه

الشعر موهبة والمدح امانه وذمه

وان مدحنا مدحنا اللي يجمل مديحه

مدح الابطال نصدح به على روس الامه

مانخليه بين اثنين مثل النصيحه

ودّك انه ذخيرة مزنةٍ مدلهمَّه

تجرح الارض وتزيد القلوب الجريحه

جَرح رحمه وجَرح ايطهر الارض دمه

ياسلامي ليا صكّه من المسك ريحه

ششت شوشة اسبيعيٍ شلع راس كُمه

ماتعوَّد على المترديه والنطيحه

شعر والّا مراجل مجدنا فيه زمَّه

معطيتنا يدينا والسنتنا فصيحه

من بغى يعترضنا مابعد جت به امه

الفحي بالجدايل والعبي يامليحه

سارت بذكرنا الركباان في كل يمه

بالشيم والمكارم والفعول الصحيحه

من سيوف الامام اللي جلا كل غمه

واستتب الامن جعل الولي مايزيحه

والفرح غامر الليله عسى الله يتمه

احتفالٍ ترقّبه الوجيه الفليحه

التراحيب منا كل حاظر تعمه

في مقام ماقامته اليدين الشحيحه

في حفل من تبيّن في الرخا والملمه

في عجب خاطر ربوعه فعوله صريحه

شبلنا اللي فعوله حطته فوق قمه

دونها طيحه وقومه و قومة وطيحة

يامحمد حبالك توردك كل جمة

جاذبك شايب ٍ غالي عسى الله يبيحة

شانك اليوم كل مجمعي ٍ يهمة

لنك الله يبارك لك تمثل شريحة

محتواك الثمين اللي سنابك يضمة

ينقل امجاد ربعك للفجوج الفسيحة

وانت مثلتهم واللبست للمجد عمه

من مشى سكتك ماتسمع الا فحيحه

عزوتك في مقام الطيب مثل الايمه

من فعل فعلهم يبدي على كل ضيحه

فعل الاد المجمع يقلب الضلع حمه

لا انتخت فيهم اللي تلحق الصوت صيحه

من عطوه الامان انزاح همه وغمه

منحة مستمره ماعطوها منيحة

حي ذالطاري اللي كل حاقد يسمه

عله يزيد في دمه صفيحة صفيحة

ازهم ادنى سبيع وسم لازمك سمه

لو بغيته يميح البحر الأحمر يميحه