تاريخ طرح اغنية خالد ال بريك الجديده ضايقً صدري ولا فيه ذره من سعه
٠٥ فبراير ٢٠٢٦
كلمات اغنية ضايقً صدري ولا فيه ذره من سعه خالد ال بريك 2026
يارفيقي لا تعاتب وانا لي كمّ يوم
ضايقً صدري ولا فيه ذرّه من سعه
لا تلوم البال لو سجّ من كثر الهموم
" ماني بـ يمّ السوالف ، ولا ، لعب اربعه "
دق سلف الجيب وانصا الخباري والحزوم
علّها ، تشرح ضميري ، من اللي .. يوجعه
لين اسوق الرجل وادوج في هاك الرسوم
واجمع اللي باقي مْن الصبر و استرجعه !
كم لي ادحم جور الايام بالجنب الدحوم
راسيً ( راسي ) ما تثّر .. عليه .. الزعزعه
آآقف بـ وجه المقادير ، ووجيه الخصوم
وارتفع .. عن كلّ هافي .. وعن كلّ امّعه !
لا ذكرت اني ذيابي .. تعديت .. النجوم
لي قبيله فوق ، عرش الشموخ .. مكوّعه
من عتيبه - درع جنبي - قويـين العزوم !
حظ من لا شانت .. ايامه .. توقف معه
والثنا لـ اللي فـ ( جدّه ) مقرّه لـ العموم
بالكرم ، و العزّ ، و الطايله ، و المنفعه
شرق صالات المغادر وصالات القدوم
والجمارك والجوازات وقسم الامتعه !
تهبط كبار الدعاوي على منصى القروم
عند شيخً .. يزبن اللي زمانه ، يفجعه
قصر ماشع بن عوض جعل تفداه الرخوم
هو مقرّ المدح كله .. وراسه مرجعه
شايبً .. وجهه وجاهه مقدّر و محشوم
مجلسه في( قمة المجد ) ثابت موقعه
انجب عيالً ليا .. عادت لـ فرك الخشوم
لا زما الزااامي بطيشه .. بـ قـوّه تردعه
عند باب القصر : الاحرار ما تاقف تحوم
ذاك .. تستقبل قدومه .. وذاك تودّعه
ياذوي هادي ، نباكم من النعم ، مختوم
كل شهمً .. ناحت اسمه بـ فعله ، وطبعه
وانت ياللي خذت قسمك من خيار القسوم
كل ( بيتً ) يفخر اني فـ طاريك .. ابدعه
ياسعد | ياسْعد من يحتزم بك فـ اللزوم
والله ان يبشر بـ عزّه .. ويبشر بسنْعه !!
من نصاك وضيق صدره كبر ضلع الجموم
راح من عندك ( يزايده ) .. ويطق اصبعه
انت ختم المجد في كفّ يمناك محكوم
كل بيرق بـ المفااااخر ، يمينك .. ترفعه
دون ربعك فـ المواقيف ، نفذت الكموم
وكل بطن مْن الجمايل بـ جودك مشبعه !
تنثر اموالك على الطيب وبحفظ السلوم
يا عسى يفداك من - راس ماله - يجمعه
راعي اليمنى الكريمه ، عسى عمره يدوم
ولّا ابْو اليمنى البخيله ، عسى الله يقلعه
يا سعد ماشع .. مانستغربك .. حرً جزوم
عقبّك عودً .. ( نباء الطيب ) دايم يتبعه
بشته يذرّي لاجاء لـ الشقى و الشّر .. يوم
وفزعته ، يدله بها اللي ، شكى كبر اوجعه
اغنية ضايقً صدري ولا فيه ذره من سعه خالد ال بريك 2026 بالكلمات مكتوبة كاملة تم طرح اغنية خالد ال بريك الجديدة على القناة الرسمية على اليوتيوب بتاريخ ٠٥ فبراير ٢٠٢٦ كوبليه كلمات اغنية
