تاريخ طرح اغنية خالد ال بريك الجديده عاش منهو ينتزع كل نوماس انتزاع
٢٥ يناير ٢٠٢٦
كلمات اغنية عاش منهو ينتزع كل نوماس انتزاع خالد ال بريك 2026
لا تهيض هاجسي ضاقت فجوج الوساع
وانتحابي مع طريقٍ من الناس مهجور
اتجنب زحمة الناس قدر المستطاع
ماتجمّع زحمة افكار مع زحمة مرور
وان طرالي هم عندي من همومي دفاع
في رجا الرحمن تنحل وتزين الأمور
بس مشكلتي حسين الوصايف والطباع
كل ماهاض الفكر جات في بالي تدور
فارع في وصفها كل وصف اقول ضاع
تفتن الأفكار وتعرف شاعرها جسور
تعرض فالبال بالزين والامر المطاع
لين تاخذ قسمها من تواصيف الشعور
ويعرض لي طاري المدح وافل الشراع
واتخير من قصيدي على زين البحور
اتخير وجهتي واعتلي روس الرفاع
امدح اللي يقصر شبور ويطوّل شبور
عاش منهو ينتزع كل نوماس انتزاع
ماخذاها بالمصافيط والفعل مخبور
مرخصٍ غال الملايين لين الصعب طاع
مارضى غير الأوايل بعد سوق المهور
لا وقف باسم ال شامر وشمّر بالذراع
دونهم عند المواقيف له شان وحضور
وقفةٍ من دونها يرتعد قلب الرعاع
لا استعر راسه ودمه من الطنخه يفور
راشد اللي ماثنا العزم لين الصيت ذاع
كل طيب باسم راشد ليا طري فخور
ياولد عساف مجدك سوات النور شاع
ورث ابو سفره على العز مبني ومعمور
انت ابيك اللي رفعنا على الناس ارتفاع
بالفعول اللي تخلد على مر العصور
شامريٍ له على العز قوه واندفاع
فالمواقف حط عمره ذرى ربعه وسور
من صناديد ال شامر معشين السباع
في تواريخ الجزيرة لهم بصمه ودور
من زبنهم غالي الروح من دونه تباع
الدول لو تطلبه يفتدونه بالنحور
مثل يومٍ فالبرود ابطت سباعه شباع
دار حوله مانقطع فوقها حوم الطيور
اغنية عاش منهو ينتزع كل نوماس انتزاع خالد ال بريك 2026 بالكلمات مكتوبة كاملة من كلمات عساف ابو سفره تم طرح اغنية خالد ال بريك الجديدة على القناة الرسمية على اليوتيوب بتاريخ ٢٥ يناير ٢٠٢٦ كوبليه كلمات اغنية
- كلمات : عساف ابو سفره
