كلمات اغنية كنها هنوف طلبت ايدينها بالحلال خالد ال بريك 2026

يالله بهدايه تجنبنا دروب الضلال

يا غافر ذنوبنا الي ماهي بتغتفر

عبدك يناجيك يا رحمن يا ذا الجلال

ان زان حاله شكر و ان شان حاله شكر

وش لون ترقد عيون الناس وسط الليال

تو استقر الشعور و كل جمر السمر

في ليلة كل ما طالت، مدى الفكر طال

الين شفت القصيدة في ثنايا السهر

كنها هنوفً طلبت ايدينها بالحلال

و اومت برمشً يرحب بي و بسمة ثغر

غيدا طوارف هدبها مثل حد السلال

و عيونها مثل صب اللول و ادهى و امر

تفرق على كل ربات الحسن و الجمال

تشبه لوضحًا نقاها زين قاضي النظر

و استعقلت ذاهبة فكر و شريدة خيال

ما تنعقل لو تدور و لو تقص الاثر

جت في عجب عين ابن مزبر و جا لي مجال

راع اوله و حموّي صادق و طايل شبر

فهد عسى فدوته من يحفظون الريال

اشعاقي يقضي اللازم لامنه حضر

قحطان تفخر ب ابوه و ذا الفخر لا يزال

يدوم ما دام مثلك يا فهد في الدهر

ليته يشوفك حمد و نسوق حال و حلال

انشهد العود قرنس للمواقف صقر

لو مال سنحان يقدر يفتدي ف الرجال

امداهم افنوه و ابن شعاق يعطى عمر

حمد عسى منزله جنه و روض و ظلال

فوقه قطوفً تدانى له و تحته نهر

اسمه لحاله يحل مشربكات الحبال

يسنع اوضاعنا حتى و هو في القبر

كم قال ثم طال هذا طبعه ان قال طال

و كم قد دفع للمواقيف الكبيره مهر

له صولة يوم صال و جولة يوم جال

ما صالها و جالها ف الناس بدو و حضر

و كم عجزت العيس تشتال الحمول الثقال

و تشوفه و تسمعه يشتالها و يهدر

لو طعت نفسي رثيته بالبيوت الجزال

في كل يومين و لا كل غرّة شهر

من حبه الله رزقه بصالحين العيال

الي تقلط ليا جات المجالس صدر

من قبل ساعة وفاته وارثين الخصال

الي تخلي لهم روس النوايف مقر

و اليوم نواف عدا فوق روس الطوال

من عزمه الفارق و من ساسه المعتبر

مبروك ي اللي تنول بيدك صعب المنال

مبروك ي واثق الخطوة كبير القدر

الاحلام ماهيب تبنى فوق جرفً هيال

تبنى على ساس و تحقق بعزم و صبر

علق نجوم الرتب و الفال قبل العقال

قد طالت فعول جدانك نجوم الفخر

ان جبتها من عمام و جبتها من خوال

العم نار و شرر و الخال نار و شرر

وانته وريث و رصيد و عزوه و راس مال

ما انت بدخيلً ي ابن مزبر على اهل الظفر

كان الضعيّف تقدم ف الرتب و استقال

انته عيونك تبشر بالسعد و السفر

اخذتها بالعزوم اللي تدك الجبال

دحرت حسادك اللي حاسدينك دحر

يحق لي مدحة الطيب على كل حال

اعد مثله ذخر ويعدني له ذخر