كلمات اغنية لاتوصون الحريص خالد ال بريك 2026

ادّلج ليلن ردونه طوّقت عنق المساري

لين ضيّق بي الرياض وغبت للدار البعيده

فوق جيبن لانّس البنزين عجلن فز ساري

صنعة الي ماعبد ربه ولا امن بالعقيده

يستجن ويستجن الليل وتهيض الطواري

ولاوعيت الا وانا اغني على مطلع قصيده

غطرفت مابين غطرست الهجوس الي يماري

واتبختر بين لبة عنق ورهاف الفريده

ماخذت من لون مدحٍ فيه من وسم الحداري

ولاتوجادت سعد لاطاول الطاوي فقيده

بنت فكرن تكوي كبود الحراير والجواري

من طلايع شاعرٍ ينقا من الندّر فريده

خاطت من الصبح مايسفر من الدهشه غداري

واسدلت من الليل مايخفي صباحٍ بان عيده

صورت ضيعت عزيز القوم في عانق عذاري

واستماتة ضربته لا لوحت شلفاه بايده

صغت منها مايشد الباب مشجون القماري

وتستهيض الي يشده ماثر شداد وعقيده

اعتلي قباً تخوض السيف وتبوج الصحاري

واتمثنا للخيال الي تلا برقه رعيده

زمجر الرعاد والبراق يضوي كل ساري

عارض الامداح خلته والسراب انفك قيده

لاتوصون الحريص الي بقدر الشعر داري

حالفن ماكتب عديمه غير في رجلن وليده

ياسلام الله سلامن فيه من صدق البخاري

ومن محبة من يقول ان انفس احبابك شهيده

في حفل عاصم و وعاصم لا طرا للمدح طاري

ارحبو باسمه وباسم ابوه واسامي البديده

عاصم الي للنعم كاسب وللامداح ضاري

طيبن والطيب بنكه مالي الخزنه رصيده

لاغرابه والولد لابوه مطلاع ويباري

كل طيبن في علي يشادي سهيلٍ وقيده

والله ونعمٍ يابو عاصم ومن صب المذاري

انك اسما من شماريخ على الدنيا مشيده

غالين عند الرجال وفيك مـ السمت الوقاري

ولاطرا طاريك قالو والنعم والله يزيده

من ضنا بارود لامن الاسامي ضرب ناري

مكتفي طيب الفعول الي على الطاله سديد

من بني ضبيان لا منه غدا خيل وسواري

لابتن بالحق تاريخ وتواريخن مجيده

غامد الهيلا هل الامجاد مروين الشباري

محتمين الدار دون قيادة الدار الرشيده

يستهيض المدح في عاصم كما ينبوع جاري

من محبته وقرابته وعلاقاتن وطيده

ان زهدت فكل شيٍ(ن) مثل ابو ذر الغفاري

مازهدت فعاصم الله معلي(ن) قدر القصيده