تاريخ طرح اغنية خالد ال بريك الجديده ليلة البارح على صدري
٠٤ يوليو ٢٠٢٤
كلمات اغنية ليلة البارح على صدري خالد ال بريك 2024
ليلة البارح على صدري صواريم الطواري
ضربها خلاني ابعد عن زحامات المدينه
يانفود السر سرتني وانا اللي جيت ساري
حاجتن في خاطري والخاطر المولى يعينه
فالعروق الحمر بلحالي عن الجو الحظاري
راحة الخاطر عن الازعاج لحظات السكينه
في علون مرتفع لا بارك الله فالمذاري
في ضميري علم والواهس عسا الله مايهينه
شاعرن مبعد عن الساحه وعايف ومتواري
ما اعترف فاهل الغزل والحب وعيون الحزينه
حافظه حفظ الامانه مثل ما احفظ اعتباري
لين صفيته مثل صف الذهب وسط الخزينه
واجب الطيّب على الطيّب مثل نهج البخاري
حافظينه والوفا منا وفينا حافظينه
شان قطمان المحازم يوم ثارات المثاري
مايجوز العذر عنّه بالمعاذير السمينه
سربتن تاريخهم فالمجد بالافعال ضاري
عدّهم فعلن ينومسهم وطيبن كاسبينه
قبل لا ياتي ختوم الشيخ والجيب السفاري
والعصيمي يورد الهيّاب ويفك الرهينه
عقب عيد الحج جا للعيد تبشير ومواري
مرحبا يامرحبا والعود الازرق سايقينه
جعله مبارك زواجك يامحمد وانت داري
من يقدّم فالثمينه حقّه سياق الثمينه
ركن من ضاقت عليه من اللزوم الاظطراري
لين ياصلهم ويبشر والسعد من قدم عينه
ياعيال اللي رحل ماله مع الطاله مجاري
عيد بن عياد رمز ويرحم الله والدينه
والهقاوي في عيال العود ماترجع عواري
نهجهم منهاجه العاطر وميقافه ودينه
اغنية ليلة البارح على صدري خالد ال بريك 2024 بالكلمات مكتوبة كاملة من كلمات علوش بن محيا تم طرح اغنية خالد ال بريك الجديدة على القناة الرسمية على اليوتيوب بتاريخ ٠٤ يوليو ٢٠٢٤ كوبليه كلمات اغنية
- كلمات : علوش بن محيا
