تاريخ طرح اغنية خالد ال بريك الجديده ماحب اتوجد واتحسف
٠٢ فبراير ٢٠٢٥
كلمات اغنية ماحب اتوجد واتحسف خالد ال بريك 2025
تتقى الشفق وانا على عالي المشراف
مغير اتنهت وازعج الصوت واجره
ابا اطرب على صوتي ولكن صوتي جاف
واعود واشغل منشدٍ من بني مره
تقول ان صدري وسطه حبيب وصياف
مسوين بين ضلوعي العوج مغتره
لي ايام ادور ذعذعة بارد الهفهاف
ابيها تطفي لاهب الشوق والحره
انا كيف ابا انسى الموقع اللي على الاطراف
وانا كل يوم اروح واسج وامره
لون الهموم المتعبه فـ العيون تشاف
سكتت وعذرني كل عاتب ومتشره
ياميلاف قلبي عالج الجرح ياميلاف
على انك وفي مانصفت قلبي ولا مره
انا نظرتي قدام وانته تلد خلاف
ماخليت خلفي غير سيرتك والجره
ماحب اتوجد واتحسف على اللي طاف
يجوز ان خيره مايعادل ربع شره
ياكثر الحمول اللي تثنى على الاكتاف
لكن مستحيل تبرك شعيل وتظره
لامني ذكرت اللي يقف حزة الميقاف
لو اجمع همومي صارت اصغر من الذره
لاقلت الحمول ثقال قال الحمول خفاف
ولونها اثقل من حصى نجد والحره
سلامي على اللي فزعته فـ الطلب تنشاف
مهيب الفزوع اللي بعضها على غره
يساق الثنا سوق المطايا وسوق القاف
على محمد السكران ويصاغ في دره
هذا والله الكفو وهذا عارف العراف
مع اسمه نوسع باب الامداح ونشره
من يعرفه يعرف السعد ماعليه خلاف
ليا غر من فزعات الاصحاب من غره
يفك الرقاب اللي تحت رحمت السياف
وعنده بسيطه كنه يفكك ازره
كريمٍ يمينه شرعت درفة المضياف
لونٍ الكرم رجال يرعاه ويبره
يقف ويتجمل لو حموله ثلاث اضعاف
ولو دارت الايام مابيحت سره
الا يـ التميمي راسك الشامخ النواف
مقامه مقامن ينسف ضروفي المره
ترا الوقفه اللي ماهي بوقفتك تنعاف
لاشان الزمان وجات الايام مفتره
اغنية ماحب اتوجد واتحسف خالد ال بريك 2025 بالكلمات مكتوبة كاملة تم طرح اغنية خالد ال بريك الجديدة على القناة الرسمية على اليوتيوب بتاريخ ٠٢ فبراير ٢٠٢٥ كوبليه كلمات اغنية
