كلمات اغنية مراد الامداح خالد ال بريك 2026

مراد الامداح 

الصدر رهن الهبوب اللي هواها طرق

تامر وتنها عليه وتاخذ اللي تبي

ايلين قلب الشجاع اللي مالان وخفق

لاشاف سود الجهام وشاف سود العبي

قاومت موجٍ يهابه من يهاب الغرق

يخف ويزيد وحموله على منكبي

تغير الحكم صن وزان لعب الورق

والفوز مضمون بين بغاشيٍ وقربي

ماينصف الشاعر ويلقى قبول ووفق

الا منابر مظيم ومنبر ابوظبي

جاء للقصيد احتدام وللمعاني نسق

ماتبرد أفكاره الا في دماغ الغبي

باب السنافي وباب المدح ماينغلق

ياللي جدودك جدود ومنسبك منسبي

والله ورب السماء والأرض واللي خلق

أنك حزام الرفيق ومسند الأجنبي

عليكك كل الصفات الساميه تتفق

مثل اتفاق الرواه لما رواه النبي

متصنع الطيب طيبه مره ويحترق

والا انت ياكثر ما جيتك ولابرت بي

النعم واسمك يبوراكان ماتفترق

ماهوب يطمع براسٍ مثل راس الظبي

ياعيال محسن ومردود الثناء المستحق

على الكبير المقّدر والشجيع الصبي

أفعالنا مالقى العقاب فيها مطق

يجي لها مشي والا زحف والا حبي

الصدق سيف الكلام وشيخه اللي نطق

لاجاه ابو علم معه علوم قال تهبي

تو المفاخر بحورٍ موجها يصطفق

كنها تنادي القرايح ياضمي اشربي

حنا شهران ونبانا لاتبختر صدق

أكثر ماتحوي السيّر من رفنا المكتبي

أكابر المجد ونزايد على من فرق

لو يمسك الغيم قلنا للنجوم اقربي

هلّ مرحباً تبهج وتمن وتطرد قلق

والفزعه اللي تبشّر من يقول طلبي

مراد الأمداح وطروقٍ ماهيب تتطّرق

بيارقٍ سيرها يوم الرصاص حلبي

هيبة جلال العظام اللي زهاها الحلق

مارث جدودٍ ما دار شبوكها الأجنبي

بنات هرشٍ وبرها مثل لون الشفق

تاخذ شبابي وتاخذ راحتي وتعبي