كلمات اغنية مطلاع خالد ال بريك 2022

 مطلاع 

جهزو لي بشت واعطوني اعمامه

سايقٍ قافي على شيخة قصايد

شاعرٍ يقضب مع الشعار زامه

وان لقى زود الرياجيل ايتزايد

مانبيع الشعر يابايع كلامه

ومانفع معك المجامل والمهايد

مات ابن عباد ماباع النعامه

والنعامه تدحم اجموع البدايد

للنشاما هامه وللشعر هامه

كلها تنفع قويين العمايد

وان تلقاك ابن عمك بابتسامه

والله انه ابرك من ايام المعايد

يابني عمي متهية الجهامه

يامحزمة القنازع فـ الشدايد

من طمع فينا تعشَاه الندامه

نسهجه بالخيل وايشوف الزهايد

سعد من صرتو على الدنيا احزامه

لابةٍ لا جا المواجه ماتحايد

وانتهى ليلٍ يجرينا ظلامه

وابتدا صبحٍ عن الجهّال نايد

والمزاين من يخالف عن نظامه

وسدوه العلم ماعاد ايتجايد

وان حضرنا مانقدّم غير قامه

حرٍ امضرّى على العليا وصايد

حط لك في فردي القعدان شامه

يا ابن جوفان اجعل الفردي وقايد

يا ابوعبدالله تعدتك الملامه

لاتخليها لهم يا ابا العوايد

قلط المطلاع يامال السلامه

اسمٍ ينومس وسيعين البنايد

ان وقف تحسب يدينه في عدامه

وان عرض كنه مع القعدان قايد

طول غاربه انفهق منّه سنامه

وارقبته ادقاق زاهية القلايد

علم اهل الشعل قافيهم قيامه

والفوايد ذا السنه مابه فوايد

اشعلٍ معنا يبي ياخذ وسامه

مايشوف أهل المهابد والمزايد