كلمات اغنية مغترب والمغترب ينشاف ضيقه في عيونه خالد ال بريك 2025

بين حلم وعلم اهوجس بالوجيه وبالمباني

مغترب والمغترب ينشاف ضيقه في عيونه

يحسب الساعات ويحسب الدقايق والثواني

عن هله و ربوعه و عن ديـرته .. لا تنـشدونه

مستـهيم بحب نادرة الوصـايف في المعاني

كل هـايم في هوا المـهيوم يدري عن جنونه

همـت ما بين النجوم المرقبه .. و آنا مكاني

الفـكر يكـفخ و كون الشعر ما ضاقت ركونه

هايـم و فيـضه تجـلّا بي طرب و الليل داني

مدح في مـن يستحـقونه و مـن يسـتاهلونه

كان ما قـيل ان بدعـته دوم صـح الله لساني

والله ان مـا هـوب لازم لا بـدعته تـسمـعونه

ماخبرت انه استـحقه عندي أكثر من اخواني

كل صبـين .. فـي مواجـيب الرجـال تعـينونه

ان حكو يصغى لهـم لا ادلا بـرايـه كـل ساني

اسمـعو راي القدى لا ضـاعو اللي يـجـهلونه

مرخصـين المال و الجاه ان تـغـالاها الهداني

لابـدا واجـب حـداها نـوم عـيـني يـرخـصونه

من بغى المخلاص ياتي صوب خطلان اليماني

يحـتـزم بمخلـصـين المـعضـلات الـى زغـونه

الرفـيق بهـم يـزود .. و مـن يجـاريهـم يعـاني

من نصاهم يكـرمونه .. و القـبيض يخلـصونه

في محلٍ في المـعيذر ريف ضيف و زبن جاني

و الـنّـشـامـا .. ( ٢٤ ) .. سـاعـه يـدهـلـونـه

فـيه ريح العـود .. خالط ريـحة الـبنّ اليـماني

و اجـزل عيـال العـشايـر للضـيوف يـقلّـطونه

القـعود اللي سـنامه اطـول مـن ايـديـه بـاني

جـالبه لـو زاد سـعره حـاضـر اخـواني زبـونه

ذكرهم بالطّـيب شـايع يـذكـره قاصي و داني

الـبعـيد يـقربـونه .. و الـقـريـب يـجـمّـلونه

خابـرين العـزّ فـرصة عـمر .. و ان العمر فاني

واصلينه .. واصلينه .. لو يحـول المـوت دونه

نايف.. و راشد.. و مشـعل عون جار و عزّ عاني

نـوم عيـن اللي سـرق هـمّه مـنامه من عـيونه

المـشاعر مـن محبتـهم تفـيض بـها المحاني

كـل مـا كـبر الأمـر منصى الرجال يسـنّـعـونه

والله انـي مـا خـبـر قلـبي بظـرفٍ قـد حـداني

غير اشوف احد الثـلاثه .. قبل لاآقول يحدونه

كـل ما لـدّيت فيـهم قلت .. انـا سيّـد زمـاني

والله انـي في كنفهم عشت ما شفت المهونه

جعلني مااعتاض الا جار الزمن بي في اخواني

وجعلني ماشـوف فيـهم شـر ولا ايـواجـهـونه