كلمات اغنية ميقات القضايا خالد ال بريك 2025

ميقات القضايا 

دخلت جوٍ مادخل فيه الخواجه بالقلاص

من جرعةٍ لاجرعة مخدّر ولا جرعة خــمر

سوالفٍ يعدها الراوي مثل ضرب الرصاص

وتنـــوب عن 90 بريه وعن عرمـــة تـــمر

لاربّع اللي همه السهره على شريا وهـاص

ربعت في جون لو اني عود رجّـــعني غمر

عينٍ على الصكّه وعينٍ في جناح الإرباص

واللي يشكّل صن غير اللي يشكّل موتــمر

عانقت هام السحب ومن العاصمه شفت النماص

ولادريت الا يقولون العرب ثوبــك شمــــر

ماينكرالوجه الندي الاسريع الامــــتصــاص

حلمه يحط الشمس فاليمنى وفاليسرى قمر

لو العمر يوخذ منه للعمر منحه واقتصــاص

كلٍ بيعطي (فيصل الغرمول)من عـــمره عمر

ومهما يجي من منحة الأعمار .. ماقلنا خلاص

نضـــــمن بقاه يمر عزراييــــل .. والا مايمــــر

قارب نجات ضحية الامواج واليا غـاص غاص

حتى بليـــس يجند جنــــوده ويرضـــخ لــلامر

ماكل من يقنص مشـــــاعرهم يجيد الاقتناص

ولاكل من سمّي على الفاروق .. مثلك ياعمـــر

شطّب على ابيض وجه واحمر عين من غير انتقاص

مقـــامه اكبر من وجيهن بيض وعيونن حـــمر

والمحزم المليان واللي فيه من كــوم الرصاص

عرّج عليــــها ماملــت عيــنه .. وخلاها مــمـر

يكفيه الاسم اللي تباشر فيه ساحات القصاص

يركن عليه السيف والسيـــــاف يـــوم الله ومر

والله لـ ابا لكزس ولا فكسار ولا جيب وشـاص

هو يعرفني زين .. وان احتاجني تحــــت الأمر

(سجل وانا مرزوق بن حمدان في تقرير خاص)

للي يبا يحتاط عن وجه الزمـــــــان اليا ضمر

ان كان ميقات الحجـــيج اللي مايتعداه باص

يلزمهم التهـليل ، والتكـبير ، وحرام ، وكــمر

" في ركن ميقات القضايا تُحرِم سيوف القصاص "

مثله .. مثل قرن المنازل في طريق المعـتمر

ماللثناء عن سلّم " ثنيّـــان واحفاده" مناص

( ولاللاماره من ولاة الامــــــر غير اولاة امر )

والاد نامــر لاشطبت الالف مهنه واختصاص

تعال ياتــــاريخ حــب خشــــومهم نمــر نمر

مابرّدت كبدي من "اسهوم المنايا" وقفة آص

غسلت وجه الصاد واخوانه على مثل الجمر