كلمات اغنية نبراس المكارم خالد ال بريك 2023

شاعرً ما يخطي الإبداع … لا غنى ( دليله )

وأن ذبح لك قافها ما يقنعه غير السنامي

من بلاد أخوان مريم ذخرنا ، و قت الثقيلة

ناصيين أخوان نوره سيفنا وقت الهمامي

ما يبـدّا سيّدي غيرك من العالم .. فصيله

انت نبراس المكارم مقّدم الصف الأمامي

فيصليً أسمك مدوّن .. بصفحاتً جليـله

تركي ابن محمد ، و يفخر لغنى بك ازحامي

لك مع المجد التليد المُعتبر قصة طويله

وقفت لك شرد الطولات واهدتك السلامي

في قواميسك عسفت العاصيه والمستحيله

بالفراسة والدهى ماهي برميه دون رامي

انت رمز الشيمه العليا وشريان الفضيله

كلمةً يصدح بها التاريخ لكبار الأسامي

لفتتك تغني عن العالم و تمك عن قبيلة

يا مجند للمكارم و الوفا جيشً نظامي

يا سليل الفهد لا روّح على ظهر الكحيلة

سولفت فيها الصحاري الجرد لارقاب النوامي

يوم ضاع الشور و بلادي غدت غدرً و غيله

قال أخو نوره فهد ترجع لو نعود هدامي

خلد التاريخ لفعول الفهد لو راح جيله

لين دانت بالولا للشامخ الفذ العصامي

شجرةً فيها ملاذ ، وقوت ، وغروسً ظليله

من لجا بركونها .. يحيـى عزيزٍ ما يضامي

وبالمقام اللي نعده .. كم بقى للحفل ليله

دام هادي ليلته ، جعل الفرح عامً بـ عامي

صاحبي عرفه شرف واللي جهل وا عزتي له

واحدً ما يعرفه خسران … مع كل احترامي

ابلج ، و يناطح الدنيا ، و مقدام ، و حصيله

النعم تردف على طاريه عشر(ن) بالتمامي

ما لقيت الا يمين ( ن ) باتعه عن كل ميله

فالكبيرة عد ( ابو محمد ) و قله يا حزامي

يا ولد من لج ذكره مع هل الابل و الفضيله

والرجال اللي لها ثقلً على كل .. ( الاسامي )

في محمد وش قول وكيف من يحصى جميله

العديم الصيرمي ميسمه … للوقفات حامي

( بشته يذري .. بعد ربي ، ولا به مستحيله )

كم لفى منضام .. ثم عوّد بضحكة ما يلامي

من قبيلة عزها المولى لها مجدً ، أمهيـله

هامةً تفخر بها العجمان ، و تنوش الغمامي

تعتزي خيالة السمراء … على راس الطويلة

ال عرجاء .. لا غدا فالعلم ميله ، و احتدامي