كوبليه ما هي كلمات اغنية والم الفزعة خالد ال بريك ...؟
تاريخ طرح اغنية خالد ال بريك الجديده والم الفزعة
٠٢ أبريل ٢٠٢٥
كلمات اغنية والم الفزعة خالد ال بريك 2025
اتعبني التفكير واتعبت رجلي
مع سجة العبلة ومرقا الطويلة
كثرت هواجيسى وكثرت طواري
واحوف لي صيدن يزوع جفيله
ابا الكلام الي يوافق معاني
الي على ماقيل زند وفتيلة
شاعر واميز وش علية ووش لي
واترك هزيل الشعر واخذ جزيله
خضت التجارب لين باحت خوافي
وعشت الزمان وشفت فقد وعقيلة
قدام يلمع بارقه في نواصي
خبرة سنة نوب تجيني ب ليلة
وبعض العرب لو ينثر المال بيدي
والله ليبيطي لين ينشف صميله
يالي تريد المدح لاتلتفت في
كان القرى ماله عمود يشيله
يلمعونك والنتيجة ولاشي
احفر قليب ورد فيها النثيلة
ويكشفون قدورهم والعشاء ني
والضيف جايع والذبيحة هزيلة
وقريحتي ماهي مقام على طي
عينٍ براس الرجم ماهي ثميلة
من حط له بستان يتعب على الري
يسقيه والا لايدور حصيله
يستاهل الامداح مشبع هقاوي
الي معاريفه علية ثقيلة
على سعد هزاع ترهم قوافي
اسمٍ طواريق الثنا تستوي له
الي جنابه دوحتن حدرها في
على طرف جالٍ عريضٍ مسيله
وعقب لنا حرن بهذي وفي ذي
تنساق له قولة نعم وتعدي له
تعيش يامحمد وتبطي لنا حي
يامقوي الممكن على المستحيلة
جمايلك يابو سعد ماهي شوي
الي لها يومين والي محيلة
لاعرقلت سود اليالي خطاوي
لقيت لي سيف شباته صقيله
يا والم الفزعة ليا كنكن العي
ليا استدار وصرها في شليلة
مثل ماتفخر روس الاشراف ب لوي
من حقي افخر في رموز القبيلة
قبيلتن وقفاتها من توالي
مثل السحاب اليا تنثر هميله
لاحاكت الظلماء تبين لهم ضي
وجموعهم عند المواقف مهيلة
روس تفاخر في قصيدي وطاري
والله ماعرض روسهم للفشيلة
اغنية والم الفزعة خالد ال بريك 2025 بالكلمات مكتوبة كاملة من كلمات عبدالكريم البدراني تم طرح اغنية خالد ال بريك الجديدة على القناة الرسمية على اليوتيوب بتاريخ ٠٢ أبريل ٢٠٢٥ كوبليه كلمات اغنية
- كلمات : عبدالكريم البدراني
