كلمات اغنية يارفيقي حياتي كلها الاوليه خالد ال بريك 2024

يارفيقي حياتي كلها الاوليه

في عيونً تساكب دمعها من غزاره

ودي ان فيه شيً يرفع المعنويه

ويبهج الخاطر الي هيبته من وقاره

اه من صدري الي كيتً فوق كيه

مرةً من يمين ومرةً من يساره

الحياه الكليفه والنفوس الدنيه

ماتبلط بحور ولا تحفر الزباره

لوتعمقت فيما اقول وابحر شويه

بكشف الوجهه الاسود لو اشيل الستاره

بين عسف المهار وبين خطم المطيه

صوت رجلً عزيز وصوت راعي بشاره

اسر ياليل والهاجس له الافضليه

رخصة الدرب ماتطلب عليه استماره

شاعرً مايمجد فاللوازم خويه

كيف يقدر يعمر طوب ساس العماره

الرجال الكبار اهل النفوس الجريه

بين فعلً كبير وبين عز وجساره

ياطويق المواقف فوق هضبة طميه

قسمك امن السنام وفي علو الصداره

حي والله رفيقً مايحب الخطيه

من دهاته محنك ومن لقاه استشاره

من يخاويه عدا قوة الجاذبيه

في سما الطيب من طيبه وزاد اشتهاره

ايه نواف بن طارد مع كل هيّه

من وفا راسه الطيّب ماغيّر مساره

ابه نواف بن طارد ونفسه غنيه

واحدً فـ اكرمه ماهو يحسب الخساره

راعيً للجميل وراعيً للحميه

حقه وحق جده ماخذاها استعاره

وارثً صيت ابوه ابكفه الحاتيمه

يعجبك من نقاه ويعجبك من شناره

شهرته بالفعايل شهرةً عالميه

وصار نجمً على ظهر المجره مداره

فيه نسبت قبول الا معه قابليه

محزمً فـ اللوازم والجمايل شعاره

من نصاه ابمحله لجل حل القضيه

يعتمد حلها مع وزير الوزاره

والردي مايعرف الطيب نفسه رديه

ودك انه من الدنيا يصدر قراره

جعل يفداك يانواف ذاك وسميه

مثلك الي لاوقف عز ربعه وداره

عند خيالة الشرفا عزومً قويه

عزوةً مايكفيها قصيد وعباره

الدواسر لهم عند العرب مقدريه

للحمايا حمايا وللمواقف نعاره

خصمهم مايشم النصر والنار حيه

لو تزيد الخصوم وغارةً بعد غاره