كلمات اغنية تغرودة الهجن خلفان المعمري 2022

تغرودة الهجن

صوب الكفو برق السحاب ويوده

اللي يمينه بالعطى ممدوده

تبع العوايد والهجن منشوده

بوغانم اللي ياتله مقيوده

قصيدةٍ يريتها تغروده

يا جعل داره مزنةٍ مرعوده

دار العرابي النادره موجوده

عند الكفو واللي فخر بيدوده

من سالف اوقاتٍ مضت مشهوده

عون العرب مذخوره ومحيوده

ياكم سرن واحمالهن مشدوده

قطاعت فيوي الوسع وندوده

قيض وشتا معطونه ومردوده

ما يشتكن لثقال لو مزيوده

عزي لهن عز الكريم ويوده

وحمرا الوبر لا درهمت مفنوده

الراهيه خطواتها ممدوده

وراسٍ مشمم ورقبه ملهوده

وسلهام لاحضها يريح الفوده

كنها من خشوف الضبى معدوده

ولونٍ حماره لا مست مهدوده

من زعفران القهوه المقنوده

في شوفها طب النظر والفوده

واللي ملكها جعل ربي يزوده

شيخٍ حشيم وسمعته محموده