كلمات اغنية عوني خلفان المعمري 2024

عوني يا عوني.. ناظر عيوني..

من به ضنوني..تجلب الراحة

يا كبر شاني .. يوم تلفاني

ظبي الدماني .. عينه سلاحه

عين فتانه.. ومقلته دانه

صاب نيشانه .. والقلب طاحه

عنق وميدّل .. وخدٍ مخدّل

وشعرٍ مهدّل .. بالنفح فاحه

فتنه ونجلا .. ريّضه وعجلا

لقبلت خجلا .. تمشي براحه

تبدي الطيبه .. بزغة الحيبه

زبن ومثيبه ..وشمس وضاحه

هي شفا روحي.. وهي دوا جروحي

تبني صروحي .. عز و رباحه

واعسف الكايد .. من فكر نايد

حبّها الوايد .. يشرب قراحه

إخمدت شري.. واكتمت سري

وعلّت بقدري .. فوق ملواحه

هي قوى حالي .. وتالي التالي

ودوم فقبالي.. وقربي مراحه