كلمات اغنية فات صبري خلفان المعمري 2024

يا نود لا هبّيت بالله تسري

على ديار بياس روحي محاطه

سيّر على اللي كان في وسط صدري

واللي معا شريان دمي اختلاطه

قله ترى صاحبك ما كان يدري

ولا خذا للبعد عنك احتياطه

عاش العمر والحزن فاليوف يجري

ومع السهر والضيم كان انخراطه

قله ترى لو يعتذر فات صبري

حتى ولو فالورد بيّن عياطه

كيف اعتذر من قلبي ان فاد عذري

ما عاد يقبل ورد عذر ووساطه

جرحي ندي وعيا مع الوقت يبري

ما فادته ضماده ولا خياطه

روّح وباقيله بعيني وفكري

سكين غدر وذكريات وهياطه

على كثر ما هو خذا نصّ عمري

روّح بدربٍ ما به الا الغباطه

قله ترا ما عاد فالبال يطري

غيرك جبر قلبي ووثّق رباطه

يا نود لا هبّيت مضحى وعصري

خذ مني شعوري وقول ببساطه

اني بخير اليوم وانزاح كدري

والقلب ما عاده يعيش انحباطه