كلمات اغنية الشتاء جابك دحام الضحيك 2024

اسامر الليل لين الليل جابك طيوف

ومن يومها ماني و دهم الليال اصحبا

وشهوله يطري اسمك والمعاني ضيوف

انت اجمل امن القصيد اللي يروح هبا

اخاف لا قصر بوصفك يعذب الوصوف

وشبهك بالقمر و اشبهك بالضبا

والله ورب الحرم واللي بمكه يطوف

انت الوحيد الذي حلال معك الربا

يعني لو ترحب بمره علي اوف اوف

ردي عليها دبل يا مرحبا مرحبا

…

يامرحبا يا دواعي فكرة الفيلسوف

بعد الغياب المرير اللي بصدري ربا

كم كنت قد الفراق وكنت قد الضروف

يافارق القد يا بو ذكريات الصبا

طاح المطر والشتا جابك وقلتك حروف

والشوق ويا مراهيش السحاب يهبا

أنا بدونك عقارب ساعتي ما تطوف

يجري بك الوقت وليا غبت عني،،، حبا

قمة ذكا المحبه والغلا فالشغوف

اذا تعامل مع اللي يعشقه بالغبا

كم طاحوا المغرمين بمرغمين الانوف

اليا بدا من محبتهم طوارف نبا

ماني سليمان لو خاتمه وسط الكفوف

عسى عيوني تقوم بدور هدهد سبا