كلمات اغنية هبوب الريح درع المري 2025

تبّقى ثلث واصدح ياربيب الغصن بالتسبيح

و مناديب الطواري بين قبّاله و قفّايه

احسب ان الصدر ينبع شعوره والضمير امريح

و عرفت انه مثل راس القلم ، يبريه برايه

بعد ماذعذع الحدري ونطّحته هبوب الريح

و وصلهْ لـ مكانً ماتمثنى طرقته تايه

لكن يا قبلة انظار المشاعر ، واجب التوضيح

تنحّرتك و انا الي شيّخ فواده على رايه

الى انكرت الشعور الي نفخهْ الله بنفحة شيح

تصفّح ذكرياتك قبل عام و عرفك كفايه

عقب طول التردد ويش يمنعنا من التصريح ؟

حن اصدق من دموع الي تعقّب طيشه ، اهدايه

تجاوزنا بدايات الغلا الي فـ اوله تلميح

وفهمنا ان العيون لما يكنّ الخافق مرايه

الى قام يتفادا القلب الابيض نبرة التجريح

فلا شك ان تفاديه الوسيله ، لانك الغايه

لكن حاول تلحفني جفونك وانتبه لا اطيح

ايلين الله يهيي فالوداع لـ كفّي اومايه

لاتشغل بالك بيومٍ ختامه دمعه و تلويح

وش الراحه ؟ لو ان قلوبنا ماهيب نسّايه