كلمات اغنية ذبيت في مرقبن ربيع اليامي 2025

ذبيت أنا في مرقبن عقب الأذان

حولت أنا منه عصير المغيبي

حولت قدني من أزرق الدمع سبهان

دمعي على الخدين عجل الصبيبي

شرفت في مدهال بدو وشوان

ماشفت كان الذيب عجل الخبيبي

عزي لعيني يوم ذبيت مابان

قام يتزايد في ضميري لهيبي

عز الله إن بي جرح من تحت الأكنان

جرح الحزن وأخطا دواه الطبيبي

ياطير يا اللي في الهواء ضف جنحان

اذكر على دربك ربوع عزيبي

من تحت مبدأ الشمس يتلون ذيدان

في شفها يأطون خبث وطيبي

وجدي عليهم وجد من صابه أكوان

قفوا بني عمه وخلي صويبي

وأقنب قنيب مطرد الذيب سرحان

لما فضحه الصبح يقنب قنيبي

ربي جليل الملك تنشي بودان

تسقي بلاد قد شجرها ضريبي

حده من الجزلاء ليا جر نجران

ما ذكر فيها خطو حتى الشعيبي

مدهال ربعي تنزل الصوق وهضان

ومن جنوب من وريك قريبي

إن سندوا يردون عد بعلقان

ومصدارهم من تحت جال القليبي

ربعي هل النالات من نسل غيدان

لطامة العايل وسقم الحريبي

ربعي هل البيعات لا ثأر دخان

حماية الونيات لا أقفى الرعيبي

ربع لمنه جاء القسى تذبح الضأن

أقول قول وفوقي الله رقيبي

وختمانها يا الله طلبتك بغفران

تغفر ذنوبي لا جاء أجلي قريبي