كلمات اغنية كاسبين الطيب ربيع اليامي 2024

راكب اللي لا مشا كنه يهدد

من معه بالخط يخضع ويتقاصر

هيبته لا مر تطغـى ويتسيّد

الفخامة والغلا واللون فاخر

ما ورد قبله ولا عقبه يورّد

الوحيد بعصرنا وارد ونادر

بالمزايا فارق نوع وتجدد

ما ورد غيره ملك شيخ المواتر

ما يدق السلف قبل انه يعمّد

من سعد والا لا دقه سلف ظافر

من يعشقون التميز والتفرّد

المدائح في فعايلهم تفاخر

كاسبين الطيب والعز المشيّد

احتزم وابشر وتم وسم حاضر

صيتهم بالنعم كل به يردد

بالشدايد والمواقف والمحاضر

عزوتي والعز واخواني تمجّد

الحزام اللي ينومس بالمخاطر

من وفاهم ما بغيته ما اتردد

يرخصون المال والهدو النوادر

والجمايل والفعايل ما تعدد

للرفيق وللخوي حاضر بحاضر

الوفاء والصدق والفزعات تشهد

ينجلي همك لما قال ابن ناصر

الجزايل قسم بسماهم تخلّد

مدحهم نوماس الاحرار النوادر