كلمات اغنية ملاذ الدخيل ربيع اليامي 2024

من هاجس له مع الجزله دبيك وصهيل

يجيب ندر سمان الهرج ويكمله

لما زهمته يجيني كنه محدار سيل

يقول عطني مرادك والجزيل ازهله

بكلفه يمدح اللي يكسبون الجميل

اللي على مكسب النالات مستعجله

شروا عجيم ال هندي سيف هند صقيل

لاجا نهار الرمك والريب والمشكله

امن ال داوود ومطارد ملاذ الدخيل

روس النوايف مواقعها وهي تدهله

الراس صنيان ماهو يعرف المستحيل

ريف الخوي في النوايب ماحد يجهله

فيه الكرم والوفى والراي دايم نبيل

وانا اشهد ان له على العليا مقر وصله

سعد ابن عمه ونحس اللي فواده غليل

وله بين ربعه وقار(ن) عالي منزله

باسوق في حضرته كل الكلام الجزيل

يستاهل المدح في وقفاته المذهله

وانا اشهد انه بهذا الوقت شكله قليل

بافعاله الماضيه والهقوه المقبله

اعجيم مضرب وفا ياجعل عمره طويل

جمع صفات الوفا والعرف والمرجله

وجمع ال هندي مقابيس الظلام المهيل

حازت على العز دايم والوفا بكمله

من روس يام الدواهي يوم قدح الفتيل

راياتهم في المواقف دايم لوله

من بعدها مرحبا وعداد وبل المخيل

باسم ال حنظل لهم في الطايله منزله

من صلب فروان وسهام المنايا وعيل

يامرحبا بالضيوف وللوفا منهله